Uppgjör fyrsta ársfjórðungs: Rekstrarafgangur lægri en áætlað
Niðurstaða fyrsta ársfjórðungsuppgjörs 2023 sýnir jákvæða rekstrarniðurstöðu A og B hluta upp á 383 m.kr. Fjárhagsáætlun gerði ráð fyrir jákvæðri rekstrarniðurstöðu upp á 482 m.kr. fyrir sama tímabil og er reksturinn því 99 m.kr. lægri en áætlað var.
Ársreikningur Ísafjarðarbæjar 2022 sendur til síðari umræðu
Bæjarstjórn hefur vísað ársreikningi Ísafjarðarbæjar, stofnana hans og fyrirtækja fyrir starfsárið 2022 til síðari umræðu. Að sögn Örnu Láru Jónsdóttur, bæjarstjóra, sýnir ársreikningurinn að rekstur Ísafjarðarbæjar sé á réttri leið þó verkefninu sé hvergi nærri lokið.
Byggðarþróunarverkefninu Öll vötn til Dýrafjarðar sem haldið hefur verið úti á Þingeyri síðan árið 2018 er nú lokið. Boðað var til íbúafundar á Þingeyri þriðjudaginn 16. maí til að ljúka verkefninu formlega.
Vefbókanir viðtalstíma hjá starfsfólki Ísafjarðarbæjar
Opnað hefur verið fyrir tímabókanir á vef Ísafjarðarbæjar fyrir viðtalstíma hjá starfsfólki velferðarsviðs og umhverfis- og eignasviðs. Þannig geta íbúar sjálfir fundið hentugan viðtalstíma milliliðalaust.