Viðburðir

Array

Námskeið fyrir söngnema og söngvara sem vilja styrkja sig á leiksviði og fólk með brennandi áhuga á söngleikjalist. Þórunn Arna og Pétur kenna.

Kammertónlistarhátíð á Ísafirði um sumarsólstöður. Fjölbreytt tónleikadagskrá, námskeið fyrir börn og tónlistarnemendur og spennandi hliðardagskrá fyrir hátíðargesti.

Á fyrri hádegistónleikum sumarsins mætir ísfirska tónskáldið Halldór Smárason til leiks með nýjan ljóðaflokk sem hann hefur samið upp úr tölvupóstsamskiptum hans og móður hans, Helgu Friðriksdóttur. Halldór verður sjálfur við píanóið en honum til halds og traust við Ísafjarðarfrumflutninginn á Lítið að frétta verður Herdís Anna Jónasdóttir, sópran.

Það verður sungið, grátið og kysst á leikhústónleikum í Hömrum þar sem Ísfirðingarnir, leikararnir og söngvararnir Þórunn Arna Kristjánsdóttir og Pétur Ernir Svavarsson koma fram og flytja lög fyrir leiksvið eftir tónskáld úr Djúpinu; Hjálmar H. Ragnarsson, Jón Ásgeirsson, Braga Valdimar Skúlason og Sigvalda Kaldalóns.

Pólski fiðluleikarinn Piotr Tarcholik sem er konsertmeistari pólsku útvarpshljómsveitarinnar flytur ásamt landa sínum Bartosz Koziak, sellóleikara, tónlist frá heimalandi þeirra á glæsilegum hádegistónleikum.

Bræðurnir Maksymilian Haraldur. Mikołaj Ólafur og Nikodem Julius Frach snúa heim til Ísafjarðar frá Póllandi og koma fram í fyrsta sinn á tónlistarhátíðinni Við Djúpið. Í farteskinu er tónlist sem hefur fylgt þeim; m.a. píanókvintett Jóns Ásgeirssonar og annar eftir Shostakovítsj. Með þeim leika Piotr Tarcholik og Bartosz Koziak.

Þrátt fyrir nokkuð ungan aldur hljóðfæraleikaranna sem skipa NOVO kvartettinn danska hefur hann getið sér reglulega gott orð sem framúrskarandi strengjakvartett. Dönskum degi líkur á tónleikum þeirra þar sem þau bera m.a. á borð tvo ólíka kvartetta eftir tvö ólík dönsk tónskáld.

Það er blásið til veislu á lokahátíð Við Djúpið. Fram koma listamenn hátíðarinnar í fjölbreyttri dagskrá sem spannar breytt bil tónlistarögunnar sem nær hámarki í vinsælum og glæsilegum strengjaoktett eftir Mendelssohn.