Sameinuð almannavarnanefnd og aðgerðastjórn Ísafjarðarbæjar og Súðavíkurhrepps

Almannavarnanefnd/aðgerðastjórn skal skipuð lögreglustjóranum á Vestfjörðum, bæjarstjóranum í Ísafjarðarbæ og sveitarstjóranum í Súðavíkurhreppi, yfirlögregluþjóni lögreglunnar á Vestfjörðum og einum frá hverjum eftirtalinna aðila: Slökkviliðum í báðum sveitarfélögum, tæknideildum bæjarfélaga, svæðisstjórn björgunarsveita, heilbrigðisstofnun og vegagerð ríkisins.

Hlutverk almannavarnanefndar er að móta stefnu og skipuleggja starf almannavarna í héraði. Auk þess að gera hættumat og viðbragðsáætlanir og endurskoða hættumat og framkvæma prófanir á viðbragðsáætlunum. Almannavarnanefndin hefur umsjón með fjármálum almannavarna og markar stefnuna varðandi þau verkefni sem vinna skal samkvæmt 9 gr. laga 82/2008 um almannavarnir.

Aðgerðastjórn er sameiginleg aðgerðastjórn viðbragðsaðila og hefur umboð frá almannavarnanefnd til að skipuleggja og undirbúa viðbragðsáætlanir og verklagsreglur vegna neyðaraðgerða. Þegar almannavarnarástand ríkir er aðgerðarstjórn kölluð saman. Lögreglustjóri stjórnar aðgerðum í héraði. Hann skipar vettvangsstjóra, sem getur fengið fleiri með sér til aðstoðar, sé þörf á. 

Skipan sameiginlegrar almannavarnarnefndar Ísafjarðarbæjar og Súðavíkurhrepps