Bæjarstjórn Ísafjarðarbæjar auglýsir tillögu að breytingum á Aðalskipulagi Ísafjarðarbæjar 2008-2020 vegna nýtingar á jarðhita í Seljalandshverfi, Skutulsfirði. Markmið breytingarinnar er meðal annars að heimila nýtingu jarðhitavatns af jarðhitasvæðinu í Tungudal til húshitunar á Ísafirði. Hægt er að skila athugasemdum við tillöguna til og með 14. júlí 2025.

Sigríður Júlía bæjarstjóri verður með vinnustöð í Sunnuhlíð á Suðureyri á þriðjudaginn, 3. júní, frá kl. 12:30-15:30. Íbúum er velkomið að kíkja við í kaffi og spjall en einnig er hægt að bóka viðtalstíma með því að senda póst á sigridurjulia@isafjordur.is.

Bæjarráð Ísafjarðarbæjar leggur áherslu á að breytingar á veiðigjöldum og auðlindagjöldum verði gerðar í skrefum og með skýrum fyrirsjáanleika. Þetta kemur fram í umsögn Ísafjarðarbæjar um frumvarp til laga um breytingar á lögum um veiðigjald sem nú liggur fyrir Alþingi. Í umsögninni er áréttað að Ísafjarðarbær styður álagningu veiðigjalda og auðlindagjalda almennt en að fyrirsjáanleiki sé nauðsynlegur til að fyrirtæki í sjávarútvegi geti skipulagt fjárfestingar og uppbyggingu í samræmi við stefnu stjórnvalda.

Bæjarráð Ísafjarðarbæjar hefur lýst því yfir að það telji enn tilefni til að skoða áfram virkjunarkosti í Vatnsfirði, þrátt fyrir að svæðið sé friðlýst. Þetta kemur fram í bókun ráðsins í kjölfar útgáfu skýrslu RHA um hvort fyrir hendi séu nægjanlega brýnir samfélagslegir hagsmunir til að breyta friðlýsingarskilmálum í friðlandi Vatnsfjarðar. Slík breyting væri forsenda þess að Vatnsdalsvirkjun gæti komið til álita í rammaáætlun um nýtingu orkulinda.

Dagbók bæjarstjóra dagana 19.–25. maí 2025, í 20. viku í starfi.

Skóla- og tómstundasvið Ísafjarðarbæjar kallar eftir tilnefningum til hvatningarverðlauna fyrir framúrskarandi skólastarf sem unnið er í skólasamfélagi Ísafjarðarbæjar fyrir árið 2025. Skilafrestur er til og með 30. júní 2025.

Starfsmenn áhaldahússins hafa í dag sinnt ýmsum hefðbundnum vorverkum á Þingeyri. Meðal annars hafa holur verið fylltar, niðurföll hreinsuð og gangstéttir og götur sópaðar.

Fjölmörg námskeið eru í boði fyrir börn í Ísafjarðarbæ í sumar. 

Dagbók bæjarstjóra 12.–18.maí 2025, í 19. viku í starfi.