Til stendur að malbika Tjarnargötu á Flateyri í dag, mánudaginn 26. ágúst. Aðgengi fyrir bíla að Hjallavegi, Ólafstúni og Goðatúni verður skert frá Tjarnargötu frá því vinna hefst og til morguns.

Í dag, föstudaginn 23. ágúst verður skipt úr sumaropnun í vetraropnun í sundlaugunum á Flateyri, Ísafirði og Suðureyri. Þingeyringar fá að njóta sumaropnunarinnar aðeins lengur, eða til 1. september.

Nú fer fram könnun sem Maskína framkvæmir fyrir hönd Byggðastofnunar meðal íbúa um land allt, utan höfuðborgarsvæðis, vegna rannsókna á þjónustusókn og væntingum til breytinga á þjónustu. Íbúar Ísafjarðarbæjar eru hvattir til að taka þátt í könnuninni.

Bæjarráð Ísafjarðarbæjar, í sumarleyfi bæjarstjórnar, samþykkti þann 19. ágúst 2024 að auglýsa tillögu að breytingum á Aðalskipulagi Ísafjarðarbæjar 2008-2020, vegna breyttrar landnotkunar á Suðurtanga, Ísafirði. Hægt að skila athugasemdum við tillöguna rafrænt um skipulagsgátt eða beint til skipulagsfulltrúa Ísafjarðarbæjar: skipulag@isafjordur.is til og með 3. október 2024.

Garðeigendur í Ísafjarðarbæ eru hvattir til að klippa trjágróður við lóðamörk svo hann hindri ekki umferð vegfarenda eða hylji umferðarskilti og götumerkingar og dragi úr götulýsingu. Þetta er sérstaklega mikilvægt núna þegar skólarnir eru að byrja og margir ungir nemendur að taka sín fyrstu skref í umferðinni.

Vegna viðgerðarvinnu verður lokað fyrir vatnið kl. 16 mánudaginn19. ágúst í eftirfarandi götum: Eyr…

Fjar­skipta­sjóður áformar fram­hald af verk­efninu Ísland ljóstengt með það að mark­miði að ljúka styrktri ljós­leið­ara­væð­ingu. Af þessu tilefni auglýsir Ísafjarðarbær eftir fjarskiptafyrirtækjum sem hafa áhuga á að taka að sér uppbyggingu og rekstur ljósleiðaraneta í þéttbýli sveitarfélagsins fyrir árslok 2026.

Ísafjarðarbær mun veita stofnframlög vegna kaupa Brákar íbúðafélags á 20 íbúðum í eigu Fasteigna Ísafjarðarbæjar, níu íbúðum við Fjarðargötu 30 á Þingeyri og á ellefu íbúðum við Túngötu á Suðureyri. Gert er ráð fyrir að Brák taki yfir leigusamninga og aðrar skuldbindingar Fastís.

Niðurstaða rekstrarreiknings Ísafjarðarbæjar á öðrum ársfjórðungi 2024 var send Hagstofu Íslands þann 2. ágúst og kynnt í bæjarráði þann 12. ágúst. Annar ársfjórðungur sýnir nú rekstrarafgang A- og B-hluta upp á 796 m.kr. fyrir janúar-júní. Fjárhagsáætlun fyrir sama tímabil gerir ráð fyrir rekstrarafgangi upp á 653 m.kr. Rekstrarafgangur er því 143 m.kr. hærri en áætlað er.