Heilsueflandi samfélag

Hlaupahátíð á Vestfjörðum

Ísafjarðarbær er heilsueflandi samfélag þar sem meginmarkmiðið er að skapa umhverfi og aðstæður sem stuðla að heilbrigðum lifnaðarháttum, heilsu og vellíðan allra íbúa.

Hér má finna yfirlit yfir fjölbreytta möguleika til hreyfingar. Ábendingar um skipulagða hreyfingu má senda á postur@isafjordur.is.

Eldri borgarar

Opnir tímar eru fyrir eldri borgara í íþróttahúsum Ísafjarðarbæjar. Smellið hér til að sjá yfirlit yfir hreyfingu sem er í boði fyrir eldri borgara.

Fótbolti

Sparkvellir eru alls sjö í sveitarfélaginu og er þeim dreift víða; tveir eru á Ísafirði, tveir á Suðureyri, einn í Hnífsdal, einn á Flateyri og einn á Þingeyri. Þar að auki eru tveir stórir fótboltavellir á Torfnesi á Ísafirði, annar með grasþekju og hinn með gervigrasi.

Gönguleiðir

Í kortasjá Ísafjarðarbæjar eru hægt að sjá gönguleiðir utan byggðakjarna þegar hakað er við „Útivist“.

Íþróttahátíðir

Íþróttahús

Fimm íþróttahús eru í Ísafjarðarbæ, tvö á Ísafirði, eitt á Flateyri, eitt á Suðureyri og eitt á Þingeyri. Á Flateyri, Suðureyri og Þingeyri rekur Ísafjarðarbær líkamsræktarsali, en á Ísafirði er slík aðstaða í einkarekstri.

Einstaklingar geta bókað tíma í íþróttahúsum sveitarfélagsins hjá forstöðumönnum.

Verð fyrir leigu má finna í gjaldskrá, undir „sundlaugar og íþróttahús“.

Leikfimi og líkamsrækt

  • Crossfit Ísafjörður
    Crossfit-stöð við Sindragötu á Ísafirði þar sem boðið er upp á styrktar- og úthaldsdþjálfun.
  • Leikfimi fyrir konur
    Leikfimi í íþróttahúsinu Austurvegi undir stjórn Guðríðar Sigurðardóttur og Rannveigar Pálsdóttur. Alla mánudaga og fimmtudaga kl. 17. Upplýsingar í síma 8650648.

Skipulagðar íþróttir

Héraðssamband Vestfirðinga, HSV, eru regnhlífasamtök fyrir íþróttafélög í Ísafjarðarbæ.

Aðildarfélög:
Golfklúbbur Ísafjarðar
Golfklúbburinn Gláma
Hestamannafélagið Hending
Hestamannafélagið Stormur
Íþróttafélagið Grettir
Íþróttafélagið Höfrungur
Íþróttafélagið Ívar
Íþróttafélagið Stefnir
Íþróttafélagið Vestri
Knattspyrnufélagið Hörður
Kubbi, íþróttafélag eldriborgara í Ísafjarðarbæ
Sæfari
Skíðafélag Ísfirðinga
Skotíþróttafélag Ísafjarðar
Tennis- badmintonfélag Ísafjarðar
Ungmennafélagið Geisli

Nánari upplýsingar má finna á vef héraðssambandsins, www.hsv.is.

Skíðasvæði

Svigskíðasvæði er í Tungudal á Ísafirði og gönguskíðasvæði á Seljalandsdal, næsta dal fyrir ofan.

Sundlaugar

Fjórar sundlaugar eru í Ísafjarðarbæ; sundlaugin á Flateyri, Sundhöll Ísafjarðar, sundlaugin á Suðureyri og sundlaugin á Þingeyri.

Var efnið á síðunni hjálplegt?