Vinnuskólinn

Vinnuskólinn

Ísafjarðarbær starfrækir vinnuskóla fyrir efstu bekki grunnskóla. Reynt er að starfrækja skólann í öllum byggðakjörnum en ef erfitt er vegna fámennis að halda úti vinnuflokki geta börnin þurft að sækja vinnu annað þó reynt sé að haga störfum þannig að flestir geti unnið nálægt heimili sínu.

Vinnuskólinn er fyrir 14-16 ára unglinga, fædda 2006-2008, og er starfræktur í allt að 6 vikur á sumrin.

Skráning: Forráðamenn skrá unglinginn sinn í vinnuskólann með því að fara inn á slóðina hér fyrir neðan.

Við skráningu þarf nemandi að eiga bankareikning sem stofnaður er á kennitölu hans. Jafnframt er vakin athygli á að árið sem 16 ára aldri er náð verður skattskylda eins og hjá fullorðnum og þarf launþegi að ráðstafa persónuafslætti til vinnuveitanda.

Ráðstöfun persónuafsláttar er á ábyrgð launþega. Spurt er um ráðstöfun í umsókn og er sú útfylling gild þar til önnur ráðstöfun berst til launadeildar Ísafjarðarbæjar.

Sækja um 


Verkefni vinnuskólans eru fjölmörg. Fyrirferðarmest er fegrun umhverfis en þar fyrir utan geta nemendur vinnuskólans valið að aðstoða á leikjanámskeiðum og ýmsum íþróttaæfingum, á golfvallarsvæði, siglingarnámskeiði eða í leikskóla.

Tímakaup:

Börn fædd 2008 fá kr. 765 á tímann.
Börn fædd 2007 fá kr. 950 á tímann.
Börn fædd 2006 fá kr. 1.145 á tímann.