Vegagerðin – Verkstjóri í þjónustustöð á Ísafirði

Starf verkstjóra við þjónustustöð Vegagerðarinnar á Ísafirði er laust til umsóknar. Verkstjóri hefur umsjón og eftirlit með verkefnum á þjónustustöð á Ísafirði og sér til þess að þau séu unnin í samræmi við markmið Vegagerðarinnar.

Helstu verkefni og ábyrgð

Almenn þjónusta og viðhald vega sem og vegbúnaðar á svæði þjónustustöðvar á Ísafirði. Viðhald og þjónusta á malarvegum og bundnu slitlagi, umsjón með lagerhaldi og áhaldahúsi. Eftirlit og stjórnun verkefna í sumarþjónustu sem og samskipti við verktaka. Eftirlit í vetrarþjónustu með færð á vegum, upplýsingagjöf og stjórnun snjómoksturs í samvinnu við yfirverkstjóra og vaktstöð Vegagerðarinnar. Samskipti og eftirlit með verktökum í vetrarþjónustu

Hæfnikröfur

  • Almennt grunnnám
  • Reynsla af stjórnun
  • Verkstjórnarnámskeið er æskilegt
  • Meirapróf æskilegt
  • Góð íslenskukunnátta
  • Góð tölvukunnátta
  • Starfsreynsla sem nýtist í starfi
  • Framúrskarandi hæfni í mannlegum samskiptum
  • Frumkvæði og hæfni til að vinna sjálfstætt sem og í hóp

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Vegagerðin er eftirsóknarverður vinnustaður. Áhugasamir einstaklingar, án tillits til kyns, eru hvattir til að sækja um. Í umsókninni komi fram persónulegar upplýsingar ásamt þeim hæfnikröfum sem óskað er eftir. Öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 18.01.2021

Nánari upplýsingar veitir Guðmundur R Björgvinsson - gudmundur.r.bjorgvinsson@vegagerdin.is - 5221000

Smelltu hér til að sækja um starfið

Var efnið á síðunni hjálplegt?