Heilsuleikskólinn Laufás á Þingeyri - Deildarstjóri

Laust er til umsóknar starf deildarstjóra við heilsuleikskólann Laufás á Þingeyri. Um er að ræða 100% starf frá 7. ágúst 2018 eða eftir nánara samkomulagi.

Leikskólinn Laufás er heilsuleikskóli og vinnur eftir heilsustefnu þar sem markmiðið er að auka gleði og vellíðan nemenda með áherslu á hreyfingu og holla næringu, gæði í samskiptum og listsköpun í leik og starfi. Skipulögð hreyfing fer m.a. fram í sundkennslu elstu nemenda, ferðir í íþróttahúsið einu sinni í viku, gönguferðum og útivist. Einkunnarorð Laufáss eru Það er leikur að læra og með því er lögð áhersla á að barnæskan sé ævintýri sem skemmtilegt er að taka þátt í.

Hæfnikröfur

  • Leyfisbréf leikskólakennara
  • Reynsla af uppeldis- og kennslustörfum með ungum börnum æskileg
  • Jákvæðni og lipurð í samskiptum
  • Frumkvæði í starfi og faglegur metnaður
  • Sjálfstæð og skipulögð vinnubrögð
  • Góð íslenskukunnátta

Launakjör eru samkvæmt samningum launanefndar sveitarfélaga við Félag leikskólakennara.

Umsóknarfrestur er til og með 23. mars 2018. Umsóknir skulu sendar til Ernu Höskuldsdóttur skólastjóra á netfangið ernaho@isafjordur.is. Með umsókn skal fylgja ferilskrá.

Nánari upplýsingar veitir Erna í síma 450-8375 eða á ernaho@isafjordur.is. Við hvetjum konur jafnt sem karla til að sækja um starfið. Öllum umsóknum verður svarað þegar ákvörðun um ráðningu hefur verið tekin.

 

-Við þjónum með gleði til gagns-

Var efnið á síðunni hjálplegt?