Dagbók bæjarstjóra dagana 4.-10. mars 2024.

Leiðbeiningar um sorpflokkun ættu að berast inn á hvert heimili í Ísafjarðarbæ á næstu dögum. Markmiðið er að gera enn betur í flokkun úrgangs en hingað til, til að endurvinna sem mest og minnka eins og kostur er það rusl sem þarf að urða, bæði vegna efnahags- og umhverfissjónarmiða.

Sundlaugin á Þingeyri hefur opnað aftur eftir miklar viðgerðir á sundlaugarkari og lögnum.

Skipulags- og mannvirkjanefnd hefur vísað til kynningar vinnslutillögu að nýju deiliskipulagi frístundasvæðis F14 í Dagverðardal í Skutulsfirði.

Bæjarstjórn Ísafjarðarbæjar kemur saman til 529. fundar fimmtudaginn 7. mars kl. 17.

Dagbók bæjarstjóra dagana 26. febrúar-3. mars 2024.

Settur verður á stofn sérststakur sumarviðburðasjóður hafna Ísafjarðarbæjar með það að markmiði að styrkja og bæta bæjarbrag í tengslum við skemmtiferðaskipakomur, með áherslu á að efla menningu og mannlíf.

Umhverfisstofnun hefur unnið tillögu að starfsleyfi Arnarlax ehf. í Ísafjarðardjúpi. Um er að ræða sjókvíaeldi með allt að 10.000 tonna lífmassa á hverjum tíma og ófrjóa laxfiska. Athugasemdir við starfsleyfistillöguna skulu vera skriflegar og sendar Umhverfisstofnun í síðasta lagi 2. apríl.

Húsaleiga sem greidd hefur verið til Fasteigna Ísafjarðarbæjar og vegna þjónustuíbúða á Hlíf og Tjörn mun frá og með 2024 vera forskráð á skattframtal leigjenda. Leigjendur þurfa því ekki lengur að færa leiguna inn á framtalið sjálfir.