Eldri borgarar

Eldri borgarar

Þjónusta Ísafjarðarbæjar við eldri borgara er margþætt og miðar að því að þeir geti búið við eðlilegt heimilislíf svo lengi sem unnt er.

Aðstæður eldri borgara eru mjög misjafnar og allur gangur á því hvort og þá hversu mikla aðstoð þeir þurfa. Ísafjarðarbær býður upp á heimaþjónustu, almenna félagsþjónustu, afslátt af fasteignagjöldum eða tímabundna niðurfellingu þeirra vegna fráfalls maka svo eitthvað sé nefnt.

Viðtalstímar

Viðtalstímar eru í boði hjá starfsfólki velferðarsviðs alla virka daga milli kl. 13:00 og 15:00. Bókanir fara fram með því að hringja í síma 450 8000 á skrifstofutíma. 

Dagdeildir

Ísafjarðarbær rekur dagdeild á Hlíf, Ísafirði. Dagdeild er opin alla virka daga milli kl.10:00- 16:00. Dagdeild er stuðningsúrræði fyrir aldraða, ætlað til að rjúfa félagslega einangrun og stuðla að því að aldraðir geti búið lengur heima. Þar er boðið upp á tómstundaiðju, létta hreyfingu, fæði, hvíldaraðstöðu og aðstoð við böðun. Þjónusta er fjölbreytt og leitast er við að hafa hana einstaklingsmiðaða.

Iðjuþjálfi á dagdeild og ráðgjafar félagsþjónustu veita frekari upplýsingar um dagþjálfun á dagdeild.

Félagsstarf aldraðra

Ísafjarðarbær býður upp á félags- og tómstundarstarf í þjónustumiðstöð á Hlíf Ísafirði, Sunnuhlíð á Suðureyri, Tjörn á Þingeyri og Félagsbæ á Flateyri og stendur fyrir leikfimi og afþreyingu fyrir þennan ört stækkandi aldurshóp.

Markmið félagsstarfs eldri borgara er að fyrirbyggja félagslega einangrun aldraðra, hvetja til skapandi athafna og finna þekkingu, reynslu og hæfileikum þátttakenda farveg. Félags- og tómstundastarf aldraðra er starfrækt með áherslu á fjölbreytt viðfangsefni, þannig að það henti sem flestum. Áhersla er lögð á gott samstarf við félög eldri borgara í sveitarfélaginu og leitast við að fá aldraða sjálfa til þátttöku í skipulagningu félagsstarfs þar sem það getur stuðlað að meiri sjálfbærni starfsins sem og valdeflingu. 

Umsjón með félagsstarfi aldraðra:

Ísafjörður
Suðureyri
Rósa Guðrún Linnet
Þingeyri
Kristín Álfheiður Arnórsdóttir

Þjónustuíbúðir aldraðra

Þjónustuíbúðir aldraðra í eigu Ísafjarðarbæjar eru á eftirtöldum stöðum:

  • Hlíf I, Ísafirði, einstaklingsíbúðir og hjónaíbúðir
  • Tjörn, Þingeyri, einstaklingsíbúðir og hjónaíbúð

Í þjónustuíbúðunum er öryggiskerfi og völ á fjölbreyttri þjónustu svo sem mat í hádegi, þvotti og þrifum og aðgangur að félagsstarfi og félagslegri heimaþjónustu. Starfsfólk er til staðar á daginn og sólarhringsvaktþjónusta er veitt.

Reglur um þjónustuíbúðir aldraðra

Stuðningsþjónusta

Markmið stuðningsþjónustu er að aðstoða og hæfa notendur sem þurfa aðstæðna sinna vegna á stuðningi að halda við athafnir dagslegs lífs og/eða til að rjúfa félagslega einangrun. Stuðningsþjónusta felur í sér félagslegan stuðning, aðstoð við heimilisþrif, hvatningu í formi innlits, aðstoð við innkaup og heimsendingu hádegisverðar. Eldri borgarar sem eru ófærir um að nýta almenningssamgöngur eða eigin bifreið geta einnig sótt um akstursþjónustu. 

Umsóknir og eyðublöð

Hægt er að sækja um ýmsa þjónustu rafrænt á minarsidur.isafjordur.is. Einnig er hægt að fylla út eyðublöð og senda á velferðarsvið.

Öldungaráð

Öldungaráð er starfrækt í Ísafjarðarbæ er vettvangur samráðs bæjarbúa sem eru 60 ára og eldri, félagasamtaka þeirra, atvinnulífs og bæjaryfirvalda og er virkur þátttakandi í allri stefnumörkun um málefni eldri borgara. Ráðið skal vera bæjarstjórn, nefndum og ráðum Ísafjarðarbæjar til ráðgjafar um málefni og hagsmuni bæjarbúa sem eru 60 ára og eldri. Ráðið skal stuðla að hvers konar upplýsingagjöf og samstarfi við Ísafjarðarbæ, móta stefnu og gera tillögur til bæjarstjórnar sem varðar verksvið þess.

Öldungaráð

Samþykkt um öldungaráð


Nánari upplýsingar: 

 

Alberta G. Guðbjartsdóttir

 

 

Félagsþjónusta

 

Félagsleg ráðgjöf, þjónustuíbúðir, afsláttur af fasteignagjöldum, þjónusta við aldraða.

 

 

Sími: 450 8000

 

Bára Lind Hafsteinsdóttir

 

 

Iðjuþjálfi

 

Dagdeild aldraðra

 

 

 

Harpa Stefánsdóttir

 

 

Félagsþjónusta

 

Félagsleg ráðgjöf og þjónusta við aldraða

 

Sími: 450 8000

 

Velferðarsvið Ísafjarðarbæjar

 

 

 

 

Sími: 450 8000