Öskubuska og Hnotubrjóturinn
Gera má ráð fyrir mikilli flugeldasýningu á þessum tónleikum þar sem hljóma tveir rússneskir ballettar í litríkum glæsiútsetningum fyrir tvo flygla.
Öskubuska Prokofievs og ekki síður Hnotubrjótur Tchaikovskys eru á meðal ástsælustu balletta tónlistarsögunnar, sá fyrri saminn í skugga seinni heimsstyrjaldar á árunum 1940 – 1944 en er þrátt fyrir það fullur af gáska og fjöri og er á meðal eftirsóttustu verka Prokofievs. Vart þarf að fjölyrða um vinsældir Hnotubrjóts Tchaikovskys en þetta hrífandi ævintýri var frumflutt í Pétursborg 1892.
Útsetningarnar gerðu píanóvirtúósarnir Mikhail Pletnev (Öskubuska) og Nicolas Economou (Hnotubrjóturinn) en báðar eru þær dásamlega skemmtilegar og setja tónlistina í nýtt samhengi.
Flytjendur:
Erna Vala Arnardóttir, píanó
Romain Þór Denuit, píanó
Efnisskrá:
Pjotr Tchaikovsky (1893 – 1840): Hnotubrjóturinn, svíta fyrir tvö píanó úr ballettinum
Sergei Prokofiev (1891 – 1953): Öskubuska, svíta fyrir tvö píanó úr ballettinum
Staðsetning: Hamrar
Miðaverð: 3.900 kr.