OPNUN: UPPÁHELLING FYRIR SÆFARENDUR / GUÐBJÖRG LIND JÓNSDÓTTIR
26. maí kl. 16:00-17:00
Viðburðir á norðanverðum Vestfjörðum
Safnahúsið Ísafirði
OPNUN: UPPÁHELLING FYRIR SÆFARENDUR
Guðbjörg Lind Jónsdóttir
26.05 – 13.08 2023
Guðbjörg Lind Jónsdóttir
26.05 – 13.08 2023
Listasafn Ísafjarðar býður gesti velkomna á opnun sýningar Guðbjargar Lindar Jónsdóttur, Uppáhelling fyrir sæfarendur. Opnun verður 26. maí nk. kl.16.00 í sal Listasafns Ísafjarðar á annarri hæð í Safnahúsinu Eyrartúni. Boðið verður upp á léttar veitingar.
Á sýningunni Uppáhelling fyrir sæfarendur eru gestir leiddir í ferðalag á vit veraldar þar sem skynja má hið upphafna í einfaldleikanum sjálfum.
Landslagsverk Guðbjargar eru oftar en ekki sprottin úr umhverfi æsku hennar vestur á fjörðum. Þau varpa þó ekki ljósi á ólíka þætti náttúrunnar, heldur fela í sér tilraun til að skapa veröld á mörkum hugar og náttúru, verkin eru því eins konar framlenging á eigin hugarheimi. Viðfangsefnin tengjast ætíð vatni; fyrst fossum og síðar sjávarfletinum þar sem eyjar og bátar fljóta á yfirborðinu eða fjallshlíðar og eyrar teygja sig út á hafflötinn. Þráhyggjukennd áhersla á vatn endurspeglar hrifningu og hræðslu Guðbjargar á hverfulleika þess og gagnsæi.
//
Guðbjörg Lind Jónsdóttir er fædd á Ísafirði 1961. Hún útskrifaðist frá Málaradeild Myndlista- og handíðaskóla Íslands 1985. Þremur árum síðar útskrifaðist hún með kennsluréttindi frá sama skóla. Guðbjörg á að baki margar einkasýningar auk þess að hafa tekið þátt í fjölda samsýninga hér heima og erlendis. Guðbjörg býr og starfar að list sinni í Reykjavík og á Þingeyri. Verk hennar eru í eigu Listasafns Íslands, Listasafns Reykjavíkur, Listasafns Ísafjarðar, Listasafns Háskóla Íslands auk margra opinberra stofnana og einkasafna.
Aðgangur ókeypis
Listasafn Ísafjarðar hlýtur stuðning Ísafjarðarbæjar
Listasafn Ísafjarðar hlýtur stuðning Ísafjarðarbæjar
Er hægt að bæta efnið á síðunni?