Útboð og framkvæmdir

Framkvæmdir við bættar snjóflóðavarnir ofan Flateyrar eru hafnar.

Í næstu viku verður haldið áfram þar sem frá var horfið síðasta sumar með uppgræðslu Suðurtanga með því að dreifa skít og fræjum. Afar mikilvægt er að þeir aðilar sem eiga tæki, tól og annað á víð og dreif um svæðið fjarlægi eigur sínar sem fyrst. Á það er einnig bent að ekki er heimilt að koma hlutum til geymslu á þessu svæði og fyrirtækjum bent á að halda starfsemi sinni innan lóðamarka.

Vinna við annan áfanga fyrirstöðugarðs við Norðurtanga á Ísafirði er að hefjast og mun standa til júníloka.

Hollenska dýpkunarskipið Hein kom til Ísafjarðar í síðustu viku og mun vera við dýpkun við Sundabakka næstu vikur.

Endurnýjun vatnslagnar fyrir vatnsveitu í Súgandafirði lauk fyrir nokkru, en verkið hófst sumarið 2022. Með nýrri lögn tvöfaldaðist vatnsrennslið í vatnsveitunni.

Ísafjarðarbær stendur fyrir hreinsun í svo kölluðu olíuporti á Þingeyri. Þau sem telja sig eiga tæki, tól og annað í portinu eru beðin um að fjarlægja munina hið fyrsta.

Lokaundirbúningur vegna malbikunar í Fjarðarstræti á Ísafirði hefst mánudaginn 4. september og svo verður malbikað þriðjudaginn 5. september. Því verður neðsti hluti Fjarðarstrætis lokaður frá kl. 8:30 á mánudagsmorgun, frá gatnamótum við Norðurveg að Norðurtanga. Lokunin varir fram yfir malbikun á þriðjudeginum.

Undanfarið hefur verið unnið að því að skipta út ljósum í íþróttahúsinu á Torfnesi. Áætluð verklok eru föstudaginn 25. ágúst.

Gönguleiðin að Klofningi í Önundarfirði hefur verið stórbætt og stikuð.