Bæjarráð

Lögð fram til samþykktar gjaldskrá vegna meðhöndlunar úrgangs fyrir árið 2023, en umhverfis- og framkvæmdanefnd yfirfór og samþykkti gjaldskrána á fundi sínum þann 9. desember 2022. Jafnframt lagt fram til kynningar minnisblað Eddu Maríu Hagalín, fjármálastjóra, dags. 28. nóvember 2022, vegna málsins.

Þá er lögð fram til samþykktar gjaldskrá um félagslegt húsnæði fyrir árið 2023, en velferðarnefnd mun jafnframt taka málið fyrir á fundi 13. desember 2023. Jafnframt lagt fram til kynningar minnisblað Eddu Maríu Hagalín, fjármálastjóra, dags. 19. október 2022, vegna málsins.

Nemendur í Menntaskólanum á Ísafirði mæta fyrir bæjarráð til kynningar á könnun um strætisvagnakerfið í Ísafjarðarbæ.

Lögð fram til kynningar ný samþykkt Ísafjarðarbæjar um meðhöndlun úrgangs, sem taka mun gildi 1. janúar 2023. Umhverfis- og framkvæmdanefnd fjallaði um og samþykkti samþykktina á fundi sínum 9. desember 2022.

Lagður fram til kynningar tölvupóstur Eygerðar Margrétardóttur f.h. Sambands íslenskra sveitarfélaga, dagsettur 8. desember 2022, ásamt greinargerð í tengslum við átakið „Samtaka um hringrásarhagkerfi“ sem sambandið hefur staðið fyrir frá því í mars með aðstoð umhverfis-, loftslags- og orkumálaráðuneytisins.

Lagt fram erindi úr samráðsgátt stjórnvalda, dags. 8. desember 2022, varðandi drög að reglugerð um meðhöndlun úrgangs, en umsagnarfrestur er til 23. desember 2022.

Á 1211. fundi bæjarráðs, þann 19. september 2022, fól bæjarráð bæjarstjóra að auglýsa eftir áhugasömum aðilum til að taka yfir húsnæðið að Vallargötu 1 á Þingeyri, Gramsverslun, með þeim kvöðum að húsið verði gert upp. Var húsið auglýst áhugasömum aðilum í kjölfarið.

Eru nú lagðar fram þrjár umsóknir aðila um að fá afhent húsið Gramsverslun á Þingeyri, auk fylgigagna. Þá er lagt fram minnisblað Axels R. Överby, sviðsstjóra umhverfis- og eignasviðs, dags. 11. nóvember 2022, vegna málsins.

Lagður fram til kynningar úrskurður Úrskurðarnefndar um upplýsingamál, sem kveðinn var upp 5. desember 2022 vegna kæru X ehf. á afgreiðslu Ísafjarðarbæjar á beiðni kæranda í kjölfar fyrri úrskurðar í málinu. Kærandi óskaði eftir gögnum sem ekki lágu fyrir og ber sveitarfélaginu ekki skylda til að búa þau til. Kærunni var því vísað frá.

Lagt fram erindi Patti Bruns, secretary general hjá Arctic Mayors' Forum, dags. 18. nóvember 2022, vegna aðildar Ísafjarðarbæjar og greiðslu árgjalds, auk síðari samskipta við bæjarstjóra.

Jafnframt lagðar fram reglur ráðsins, Rules of Procedure for Arctic Mayors Forum, og yfirlit gjalda fyrir 2022-2023.

Lagt fram til samþykktar minnisblað Baldurs Inga Jónassonar, mannauðsstjóra, dags. 7. desember 2022, vegna undanþágu verkfallsheimilda.

Árlega þurfa sveitarfélög, að höfðu samráði við viðkomandi stéttarfélög, að endurnýja lista yfir þá starfsmenn sem ekki hafa verkfallsheimild með tilvísun til laga nr. 94/1986, um kjarasamninga opinberra starfsmanna og 2. gr. laga nr. 129/2020, um skrá yfir störf hjá sveitarfélögum sem heimild til verkfalls nær ekki til. Undanþágulisti sem tilgreindur er í minnisblaðinu er lagður fyrir bæjarstjórnar til samþykktar, en listinn þarf að birtast í B-deild stjórnartíðinda fyrir 1. febrúar 2023.

Lagt fram til kynningar bréf Karls Björnssonar, framkvæmdastjóra Sambands íslenskra sveitarfélaga, dagsett 5. desember 2022, þar sem sveitarfélög eru hvött til að kynna sér þær breytingar sem taka gildi um áramót á fyrirkomulagi barnaverndarþjónustu og taka jafnframt ákvörðun um fyrirkomulag samstarfs um barnaverndarþjónustu ef við á.
Jafnframt lagt fram minnisblað frá sambandinu, dagsett 18. nóvember 2022 með stöðu á undirbúningi breytinganna.

Lagður fram tölvupóstur Njarðar Sigurðssonar, aðstoðarþjóðskjalavarðar, dagsettur 7. desember 2022, þar sem Ísafjarðarbæ eru send til umsagnar drög að reglum um varðveislu og eyðingu á skjölum úr fjárhagsbókhaldi afhendingarskyldra aðila. Umsagnarfrestur er til 2. janúar 2022.

Lagt fram aðalfundarboð Hvetjanda hf. eignarhaldsfélags, dagsett 3. desember 2022, frá formanni stjórnar, Jóni Páli Hreinssyni. Fundurinn verður haldinn í fjarfundi 19. desember. Jafnframt lagður fram til kynningar ársreikningur Hvetjanda fyrir árið 2021 og hluthafaskrá.

Lögð fram til kynningar fundargerð 447. fundar fræðslunefndar, en fundur var haldinn 8. desember 2022.

Fundargerðin er í þremur liðum.

Lögð fram til kynningar fundargerð 237. fundar íþrótta- og tómstundanefndar, en fundur var haldinn 7. desember 2022.

Fundargerðin er í fjórum liðum.

Lögð fram til kynningar fundargerð 598. fundar skipulags- og mannvirkjanefndar, en fundur var haldinn 8. desember 2022.

Fundargerðin er í 18 liðum.