Tillaga að breytingu á aðalskipulagi vegna vegar um Dynjandisheiði

Auglýst er tillaga að breytingu á Aðalskipulagi Ísafjarðarbæjar 2008-2020 vegna vegar um Dynjandisheiði.

Aðalskipulagsbreytingin er unnin skv. 1. mgr. 36. gr. skipulagslaga nr. 123/2010. Vegagerðin áformar að endurbyggja veg nr. 60 yfir Dynjandisheiði og veg nr. 63 Bíldudalsveg með það að markmiði að þeir nýtist sem heilsársvegir. Vegagerðin hefur unnið matsskýrslu vegna verkefnisins í samræmi við lög um mat á umhverfisáhrifum og Skipulagsstofnun gaf álit sitt um umhverfismatið í júlí 2020.

Markmiðið með aðalskipulagsbreytingunni er að gera heilsárssamgöngur milli sunnan- og norðanverðra Vestfjarða mögulegar um Vestfjarðaveg. Dýrafjarðargöng voru tekin í notkun í október 2020 en þau munu ekki nýtast að fullu fyrr en heilsárvegur hefur verið gerður yfir Dynjandisheiði.

Aðalskipulagsbreytingin heimilar tvær útfærslur á veglínu, leiðir D og F í umhverfismati Vegagerðarinnar, þar sem ekki hefur verið tekin ákvörðun um hvor línan verður fyrir valinu við endurgerð vegarins. Breytingin heimilar einnig sex ný efnistökusvæði á skipulagssvæðinu.

Tillagan er aðgengileg á pdf-sniði hér að neðan og í móttöku bæjarskrifstofa Ísafjarðarbæjar, Stjórnsýsluhúsinu Ísafirði.

Greinargerð og umhverfismatsskýrsla
Uppdráttur

Athugasemdir skulu vera skriflegar og berast skipulagsfulltrúa í síðasta lagi 4. apríl 2022 að Hafnarstræti 1, 400 Ísafirði eða á skipulag@isafjordur.is