Grunnskólinn á Ísafirði - útboð vegna viðhalds
Ísafjarðarbær óskar eftir tilboðum í viðhaldsframkvæmdir við húsnæði Grunnskólans á
Ísafirði, austurálmu.
Helstu verkþættir eru eftirfarandi:
Utanhúss:
Endurnýjun á öllu þakstáli og kjöljárni, endurnýjun á skemmdum sperrum og borðaklæðningu, ísetningu þakglugga og þaktúða ásamt uppbyggingu á nýjum þakkanti.
Slípa steiningu umhverfis glugga og vatnsbretti undir gluggum, brjóta fyrir loftunarraufum og þétta sprungur í útveggjum.
Þétta milli gluggakarma og steins og á samskeytum karma og pósta og endurnýja tvöfalt gler í gluggum og opnanlegum fögum.
Sílanbaða steypta fleti og mála þakkant, glugga og opnanleg fög.
Innanhúss:
Endurnýja hluta af ofnum, ofnlokum og ofnalögnum.
Fjarlægja múrhúðun og einangrun af hluta útveggja að innan og setja nýtt í staðinn. Brjóta upp hluta af gólfílögn og slípa og spartla gólf undir dúkalögn.
Einnig skal endurnýja gluggagerekti, sólbekki og áfellur við glugga.
Leggja skal nýjan linoleum dúka á gólf og spartla og mála glugga og veggi.
Helstu magntölur verksins eru eftirfarandi:
- Þakflötur 504 m2
- Þakkantur 76 m
- Slípum við glugga 299 m
- Brot fyrir loftraufum 250 stk
- Sílanbaðaðir veggir 385 m2
- Málun glugga 423 m
- Gler í glugga 87 m2
- Ofnalagnir 230 m
- Endurnýjun múrh. og ein. 150 m2
- Gerekt, sóbekkir og áfellur 299 m
- Gólfdúkar 247 m2
Verklok á vinnu innanhúss eru 20. ágúst n.k. og á vinnu utanhúss 30. september n.k.
Útboðsgögn verða afhent á skrifstofu Tækniþjónustu Vestfjarða, Aðalstræti 26, Ísafirði frá og með mánudeginum 3. júní næstkomandi. Hægt er að panta gögnin á netfanginu samuel@tvest.is
Tilboðum skal skila á sama stað miðvikudaginn 12. júní n.k., kl. 11:00, þar sem þau verða opnuð.
Ísafjarðarbær
Fylgigögn:
Útboðslýsing
Verklýsing
Þakkantur
Magnskrá