Skóla-, íþrótta- og tómstundanefnd

Gjaldskrám vísað til seinni umræðu.

Skóla-, íþrótta- og tómstundanefnd vísar samningnum til bæjarstjórnar til samþykktar. Nefndin vekur athygli á að samningurinn gildir frá 1. janúar 2025 og felur starfsmönnum að útbúa viðauka fyrir næsta bæjarráðsfund.

Íþróttafélögin hafa sent inn umsagnir vegna úthlutunar tíma í íþróttahúsum í Ísafjarðarbæ og Bolungarvík, ljóst er að íþróttahúsið á Torfnesi annar ekki þeirri tímaþörf sem íþróttafélögin hafa óskað eftir. Reglur um úthlutun voru samþykktar í maí 2025 þar sem sett var fram forgangsröðun tíma í íþróttamannvirkjum sem skóla-, íþrótta- og tómstundanefnd hefur unnið eftir. Nefndin hefur fullan skilning á því að íþróttafélög kalla eftir fleiri og betri tímum fyrir sínar æfingar en húsið stækkar ekkert þó vilji sé fyrir hendi til að koma til móts við alla. Nefndin leggur fram samþykkta æfingatöflu fyrir veturinn 2025-2026. Félögum er bent á að hafa samband við skóla-, íþrótta- og tómstundanefnd sé vilji til að íþróttafélög geri skipti sína á milli á úthlutuðum tímum.

Skóla-, íþrótta- og tómstundanefnd vísar reglum til bæjarstjórnar til samþykktar.

Skóla-, íþrótta- og tómstundanefnd þakkar Grunnskólanum á Ísafirði fyrir góða samantekt. Það er áhyggjuefni hversu mikil fjarvera meðal nemanda á unglingastigi er en líklegt er að hún komi niður á námsárangri unglinga. Nefndin hvetur foreldra í samvinnu við skólana að vinna markvisst að því að draga úr fjarveru barna sinna úr skóla.

Lagt fram til kynningar.