Bæjarráð

Á 9. fundi nefndar um byggingu slökkvistöðvar í Skutulsfirði, sem haldinn var 21. nóvember 2025, var kynnt kostnaðarmódel frá Glóru ehf., fyrir nýja slökkvistöð, skipt niður á ársfjórðunga árin 2026, 2027 og 2028. Kostnaði er skipt upp í tvö kostnaðarlíkön annars vegar tvö ár og hins vegar þrjú ár. Einnig er kynnt minnisblað sviðsstjóra umhverfis- og eignasviðs Axel Rodriguez Överby, dags. 18. nóv sl.

Meirihluti nefndarinnar lagði til við bæjarráð að framkvæmdatími nýrrar slökkvistöðvar verði þrjú ár. Og dreifing kostnaðar verði skipt niður á ársfjórðunga árin 2026, 2027 og 2028, í samræmi við kynningu og minnisblað sviðsstjóra umhverfis- og eignasviðs, dags. 18. nóvember 2025.

Fulltrúar slökkviliðs Ísafjarðarbæjar í nefndinni töldu að sá framkvæmdatími sé langur í ljósi þessa alvarlegu stöðu sem húsnæðismál slökkviliðs er í og leggja til að framkvæmdatíminn verði tvö ár.

Er málið nú lagt fyrir bæjarráð til umsagnar.

Lagt fram minnisblað Sigríðar Júlíu Brynleifsdóttur, bæjarstjóra, og Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 21. nóvember 2025, varðandi fundartíma bæjarráðs, en lagt er til við bæjarráð að bæjarráð að samþykkja þessa fundartíma frá 1. janúar 2026, þannig að fundir verði á fimmtudögum kl. 8.10.

Lagt fram erindi umhverfis-, orku- og loftslagsráðuneytisins, dags. 19. nóvember 2025, þar sem lagt er til að gildandi samningar milli ríkisins og sveitarfélaga um Náttúrstofur verði framlengdir til eins árs þannig að gildistími verði til ársloka 2026 í stað ársloka 2025.

Lagt fram til kynningar erindi innviðaráðuneytisins, dags. 19. nóvember 2025, þar sem kynnt er að ráðuneytið, í samstarfi við Byggðastofnun, hefur gefið út skilgreiningu á opinberri grunnþjónustu ásamt leiðbeiningum fyrir stjórnvöld um mótun og framkvæmd stefna. Leiðbeiningarnar voru unnar á grundvelli aðgerðar A.15 á byggðaáætlun, Opinber grunnþjónusta og jöfnun aðgengis. Verkefnið tengist jafnframt aðgerð 12 í stefnumótandi áætlun í málefnum sveitarfélaga, Lágmarksþjónusta sveitarfélaga.

Lagt fram erindi Aðalsteins Óskarssonar, sviðsstjóra hjá Vestfjarðastofu, f.h. Svæðisskipulagsnefndar Vestfjarða, dags. 19. nóvember 2025, varðandi beiðni um samþykki bæjarstjórnar á auglýsingu tillögu að Svæðisskipulagi Vestfjarða 2025-2050.

Jafnframt lögð fram tillaga til auglýsingar Svæðisskipulags Vestfjarða 2025-2050, skýrsla um stöðumat, skýrsla um umhverfismat og minnisblað um þróun tillögu að svæðisskipulagi.

Lögð fram fram til kynningar fundargerð 23. fundar svæðisskipulagsnefndar, en fundur var haldinn 17. nóvember 2025.

Lagðar fram til kynningar fundargerðir 83., 84. og 85. stjórnarfundar Samtaka sveitarfélaga á köldum svæðum, en fundir voru haldnir 20. júní, 27. ágúst og 24. september 2025.

Lögð fram til kynningar fundargerð 9. fundar nefndar um byggingu slökkvistöðvar í Skutulsfirði, en fundur var haldinn 21. nóvember 2025.

Fundargerðin er í 1 lið.

Lögð fram til kynningar fundargerð 33. fundar skóla-, íþrótta- og tómstundanefndar, en fundur var haldinn 19. nóvember 2025.

Fundargerðin er í 2 liðum.

Lögð fram til kynningar fundargerð 162. fundar umhverfis- og framkvæmdanefndar, en fundur var haldinn 19. nóvember 2025.

Fundargerðin er í 6 liðum.