Bæjarráð

Trúnaðarmál lagt fyrir bæjarráð.

Tillaga forseta um að bæjarstjórn veiti bæjarstjóra umboð til að sækja aðalfund Hvetjanda sem er boðaður 29. ágúst 2025, og fara með atkvæðisrétt sveitarfélagsins á aðalfundi.

Boðað hefur verið til aðalfundar Hvetjanda 29. ágúst 2025, og hefur Arna Lára Jónsdóttir óskað eftir að fara úr stjórn félagsins, en hún hefur setið í stjórn frá 2018.

Bæjarstjóri leggur til við bæjarráð að samþykkja að Nanný Arna Guðmundsdóttir verði tilnefndur fulltrúi Ísafjarðarbæjar í stjórn Hvetjanda.

Lagður fram samstarfssamningur (Partnership/Consortium Agreement) vegna þátttöku Ísafjarðarbæjar í ICEWATER verkefninu. Ísafjarðarbær hefur þegar undirritað styrktarsamning (Grant Agreement) við Evrópusambandið og þessi nýi samningur er sérstaklega um samstarf milli innlendra aðila. Samningurinn kveður á um verkaskiptingu, fjárhagsleg atriði og aðrar skyldur samstarfsaðila. Við undirritun samstarfssamningsins fær Ísafjarðarbær jafnframt fyrstu greiðslu úr verkefnissjóðnum, sem nemur 30% af heildarstyrknum, greitt í evrum inn á evrureikning sveitarfélagsins.
Jafnframt lagður fram styrktarsamningur (Grant Agreement), sem er formlegur samningur Ísafjarðarbæjar við Evrópusambandið um fjármögnun verkefnisins

Lagt fram minnisblað Eyþórs Guðmundssonar og Axel R. Överby, dags. 6. ágúst 2025, þar sem lagt er til við bæjarráð að heimila örútboð á ráðgjafaþjónustu vegna Life Icewater, ásamt að auglýsa eftir verkefnisstjóra fyrir verkefnið.

Tillaga frá 2. fundi fulltrúaráðs Velferðarþjónustu Vestfjarða, en fundur var haldinn 11. ágúst 2025, um að bæjarstjórn samþykki nýjan samning um sérhæfða Velferðarþjónustu Vestfjarða, dags. 7. júlí 2025.

Á 1333. fundi bæjarráðs, þann 14. júlí 2025, voru lagðar fram reglur Ísafjarðarbæjar um kjör og starfsaðstöðu kjörinna fulltrúa, ásamt minnisblaði Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 9. júlí 2025, en óskað er eftir afstöðu til reglnanna og hlutfalls þóknunar til frekari vinnslu málsins. Bæjarráð fól bæjarstjóra að uppfæra reglurnar með hliðsjón af umræðum á fundinum og leggja fyrir bæjarstjórn til samþykktar.

Eru nýjar reglur Ísafjarðarbæjar um kjör og starfsaðstöðu kjörinna fulltrúa lagðar fram til samþykktar.

Málið var tekið fyrir á 1335. fundi bæjarráðs, þann 18. ágúst 2025, en ákvörðun frestað til næsta fundar. Er málið nú tekið aftur fyrir.

Á 1333. fundi bæjarráðs, þann 14. júlí 2025, var lagt fram til samþykktar erindisbréf yfirkjörstjórnar og undirkjörstjórna Ísafjarðarbæjar, ásamt minnisblaði Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 10. júlí 2025, vegna málsins. Bæjarráð fól bæjarstjóra að uppfæra erindisbréf með hliðsjón af umræðum á fundinum og leggja fyrir bæjarstjórn til samþykktar.

Er erindisbréf yfirkjörstjórnar og undirkjörstjórna nú lagt fram til samþykktar.

Málið var tekið fyrir á 1335. fundi bæjarráðs, þann 18. ágúst 2025, en ákvörðun frestað til næsta fundar. Er málið nú tekið aftur fyrir.

Lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 17. júlí 2025, varðandi viðhaldsverkefni í Stjórnsýsluhúsinu á Ísafirði, en stjórn hefur ákveðið að fara í loftskipti og að setja upp nýtt brunavarnarkerfi og lýsingu.

Lagt fram til kynningar minnisblað Helgu Sigríðar Hjálmarsdóttur, launafulltrúa, dags. 14. júlí 2025, um launakostnað fyrir janúar til júlí árið 2025.

Lagt fram til kynningar erindi frá samráðsgátt stjórnvalda, dags. 11. ágúst 2025, þar sem forsætisráðuneytið kynnir til samráðs mál nr. 144/2025, "Áform um atvinnustefnu Íslands til 2035". Umsagnarfrestur er til og með 26. ágúst 2025. Bent er sérstaklega á spurningar til hagsmunaaðila á síðustu síðu.

Málið var tekið fyrir á 1335. fundi bæjarráðs, þann 18. ágúst 2025, en erindinu frestað til næsta fundar. Er málið nú tekið fyrir að nýju.

Lögð fram til kynningar fundargerð 1. fundar fulltrúaráðs Velferðaþjónustu Vestfjarða, en fundur var haldinn 28. mars 2025.

Fundargerðin er í 3 liðum.

Lögð fram til kynningar fundargerð 2. fundar fulltrúaráðs Velferðaþjónustu Vestfjarða, en fundur var haldinn 11. ágúst 2025.

Fundargerðin er í 2 liðum.