Átak í sorpflokkun og fréttir af grenndargámum

Átak í sorpflokkun

Síðan 2018 hafa íbúar Ísafjarðarbæjar flokkað úrgang í fjóra flokka sem safnað er í tvær tunnur við heimili.

• Tunna fyrir almennt sorp:
  • Blandaður úrgangur (heimilissorp)
  • Matarleifar (lífúrgangur) í innra hólfi
• Endurvinnslutunna:
  • Pappír og pappi
  • Plastumbúðir í innra hólfi

Til að halda kostnaði vegna úrgangsmála niðri er afar mikilvægt að viðhafa rétta og góða flokkun. Á næstu vikum verður farið í átak til að skerpa á flokkun heimilissorps í sveitarfélaginu.

Þar sem sorphirðufólk metur flokkun óásættanlega verður límdur viðvörunarmiði á tunnur með áminningu um góða siði við sorpflokkun. Bregðist íbúar ekki við þessum ábendingum má búast við að í næsta skipti verði tunnurnar ekki tæmdar.

Leiðbeiningar um sorpflokkun:

Ítarlegri leiðbeiningar til útprentunar á íslensku, ensku og pólsku.

Grenndarstöðvar

Í næstu viku verður byrjað að setja niður nýjar grenndarstöðvar fyrir gler, málma og textíl og verður grenndarstöð í hverjum byggðarkjarna. Staðsetningar stöðvanna verða auglýstar þegar þær eru komnar á sína staði.

Ef íbúar eru með athugasemdir eða spurningar varðandi sorphirðu, til dæmis ef sorptunnur eða innri hólf vantar eða eru skemmd, má hafa samband við sorphirda@isafjordur.is.