Skíðavikan 2026: Skíðavikustjóri kallar eftir viðburðum á dagskrá

Skíðavikustjórinn 2026, Helga Þórdís Björnsdóttir, kallar eftir viðburðum á dagskrá Skíðavikunnar.

Setning Skíðavikunnar fer fram á Silfurtorgi miðvikudaginn 1. apríl, þar sem lifandi tónlist og sprettgangan í Hafnarstræti spila stóran þátt. Fastir liðir verða svo á dagskrá á skíðasvæðunum, ef veður og snjóalög leyfa, eins og furðufatadagur, páskaeggjamót og karamelluregn.

Öll sem standa fyrir viðburðum í Ísafjarðarbæ í dymbilvikunni og um páskana eru hvött til að senda viðburðina inn á dagskrá Skíðavikunnar, skidavikan@isafjordur.is.