Páskar fyrir vestan: Vinnustofa fyrir hagaðila

Ísafjarðarbær, í samstarfi við Aldrei fór ég suður og Vestfjarðastofu, boðar til vinnustofu fyrir öll sem starfa í veitingarekstri, ferðaþjónustu, verslun, opinberri þjónustu og viðburðahaldi á norðanverðum Vestfjörðum. 

Páskarnir eru viðburðaríkustu og fjörugustu dagar ársins á norðanverðum Vestfjörðum og nú er áætlunin að stofna til samstarfs til að gera þá enn betri!

Markmið vinnustofunnar er að vinna saman að því að gera páskana að sameiginlegu verkefni til framtíðar sem byggir á samvinnu, stolti og góðri móttöku gesta.

Vinnustofan fer fram í Edinborgarhúsinu þriðjudaginn 3. mars kl. 15-16:30.

Fundarstjóri: Jón Páll Hreinsson, bæjarstjóri Bolungarvíkurkaupstaðar.