Kynningarfundir: Vestfjarðavegur um Dynjandisheiði og Bíldudalsvegur – frummatsskýrsla
Vegagerðin hefur lagt fram frummatsskýrslu um mat á umhverfisáhrifum framkvæmdar á Vestfjarðavegi um Dynjandisheiði og Bíldudalsveg frá Bíldudalsflugvelli að Vestfjarðavegi á Dynjandisheiði. Um er að ræða samtals 70 km langa vegagerð.
Vegagerðin stendur fyrir eftirfarandi kynningarfundum um niðurstöður frummatsskýrslu og eru allir velkomnir:
Þriðjudaginn 4. febrúar í Edinborgarhúsinu á Ísafirði kl. 17:00.
Miðvikudaginn 5. febrúar í Baldurshaga á Bíldudal kl. 17:00.
Markmið framkvæmdarinnar er að bæta samgöngur milli sunnan- og norðanverðra Vestfjarða. Dýrafjarðargöng munu ekki nýtast að fullu fyrr en lagður hefur verið heilsársvegur um Dynjandisheiði með tengingu til Bíldudals.
Kynning á frummatsskýrslu: Frummatsskýrsla er til kynningar hjá Bókasafni Bílddælinga, Bókasafninu Ísafirði, Skipulagsstofnun og í Þjóðarbókhlöðunni. Einnig er hún aðgengileg á vef Skipulagsstofnunar www.skipulag.is og á vef Vegagerðarinnar: www.vegagerdin.is.
Athugasemdafrestur: Allir geta kynnt sér frummatsskýrsluna og lagt fram athugasemdir. Athugasemdir skulu vera skriflegar og berast eigi síðar en 17. febrúar 2020 til Skipulagsstofnunar eða með tölvupósti á skipulag@skipulag.is.