Ársreikningur Ísafjarðarbæjar 2024: 1.174 milljóna króna rekstrarafgangur
Ársreikningur Ísafjarðarbæjar fyrir árið 2024 var samþykktur í bæjarstjórn þann 15. maí.
„Reikningurinn sýnir mjög sterka stöðu sveitarfélagsins og fjárhagslegu markmiðin sem sett voru í upphafi kjörtímabilsins hafa nær öll náðst,“ segir Sigríður Júlía Brynleifsdóttir, bæjarstjóri.
„Rekstrarafgangur A- og B-hluta var samtals um 1.174 milljónir króna, og skuldahlutfall heldur áfram að lækka. Þetta er þrátt fyrir lækkun á fasteignasköttum og gjaldskrám. Eignasala og markviss skuldaniðurgreiðsla skila árangri. Hafnir Ísafjarðarbæjar skiluðu einnig myndarlegum afgangi, sem styður við áframhaldandi uppbyggingu og samfélagsverkefni.“
Árið 2024 var framkvæmt og fjárfest fyrir tæpan milljarð króna. Umfangsmestu fjárfestingarnar voru gatnagerð, hafnarframkvæmdir, umbætur í fráveitu og vatnsveitu og í snjóflóðavörnum á Flateyri.
Að sögn Sigríðar endurspeglar ársreikningurinn ábyrga fjármálastjórn og samstillt átak starfsfólks og kjörinna fulltrúa. „Sveitarfélagið stendur á sterkum fótum og það er ástæða til að horfa með björtum augum til framtíðar, þar sem áframhaldandi áhersla verður lögð á góða þjónustu og uppbyggingu.“
Lykiltölur og fjárhagsleg markmið
| Rauntölur | Áætlun | Markmið | |
| Rekstur og framlegð A-hluta | |||
| Rekstrarjöfnuður þriggja ára | 215 m.kr. | -84 m.kr. | >0 |
| Framlegð | 13,40% | 9,70% | >7,5% |
| Veltufé frá rekstri | 14,20% | 11,30% | >8,5% |
| Rekstur og framlegð A- og B-hluta | |||
| Rekstrarjöfnuður þriggja ára | 1.183 m.kr. | 838 m.kr. | >0 (EFS) |
| Framlegð | 21,10% | 17,90% | 1/10 (EFS) |
| Veltufé frá rekstri | 19,50% | 17,60% | >7,5% (EFS) |
| Fjárfestingar | |||
| Hámark fjárfestingahreyfingar A-hluta | 413 m.kr. | 477 m.kr. | 300 m.kr. |
| Sala eigna í A- og B- hluta að frádregnum áhvílandi lánum | 237 m.kr. | 100 m.kr. | 100 m.kr. |
| B-hluti: Sjálfbær starfsemi án framlaga | |||
| Hafnarsjóður | 475 m.kr. | 463 m.kr. | >0 |
| Vatnsveita | 0 m.kr. | -17 m.kr. | >0 |
| Þjónustuíbúðir | 17 m.kr. | 9 m.kr. | >0 |
| Eyri | -28 m.kr. | -11 m.kr. | >0 |
| Fasteignir Ísafjarðarbæjar | 173 m.kr. | 63 m.kr. | >0 |
| Fráveita | 41 m.kr. | 40 m.kr. | >0 |
| Funi | 10 m.kr. | 3 m.kr. | >0 |
| Byggðasafn Vestfjarða | -32 m.kr. | -28 m.kr. | >0 |
| Efnahagur | |||
| Skuldahlutfall A-hluti | 108,00% | 105,00% | <125% |
| Skuldaviðmið A-hluti | 68,00% | 71,00% | <90% |
| Handbært fé A-hluti | 619 m.kr. | 494 m.kr. | >100 m.kr. |
| Veltufjárhlutfall A-hluti | 0,74 | 0,58 | >0,6 |
| Afborganir í hlutfalli við framlegð hjá A-hluta | 1,30 | <0,9 | |
| Efnahagur A- og B-hluta | |||
| Skuldahlutfall A- og B-hluti | 112,00% | 115,00% | <125% |
| Skuldaviðmið A- og B-hluti | 67,00% | 71,00% | <90% |
| Veltufjárhlutfall A- og B-hluti | 1,23 | 0,99 | >0,8 |