Velferðarnefnd
Dagskrá
1.Trúnaðarmál. - 2011090094
Þrjú trúnaðarmál lögð fram til afgreiðslu í félagsmálanefnd.
Trúnaðarmálin afgreidd og færð til bókar í trúnaðarmálabók félagsmálanefndar.
Hildur Elísabet Pétursdóttir og Anna Valgerður Einarsdóttir komu til fundar.
2.Fjárhagsaðstoð - 2012120016
Lagt fram vinnuskjal með drögum að nýjum reglum um fjárhagsaðstoð. Jafnframt lagt fram frumvarp til laga um breytingu á lögum um félagsþjónustu sveitarfélaga, nr. 40/1991, með síðari breytingum (skilyrði fjárhagsaðstoðar).
Félagsmálanefnd vann að endurskoðun reglna um fjárhagsaðstoð. Vinnan heldur áfram á næsta fundi nefndarinnar.
Margrét Geirsdóttir fór af fundinum.
3.Jafnréttisáætlun og jafnlaunakönnun - 2010050008
Umræður um starfsmarkmið í tengslum við jafnréttisáætlun Ísafjarðarbæjar.
Sædís María Jónatansdóttir sagði frá námskeiði sem hún sótti um jafnrétti í sveitarfélögum sem haldið var af Sambandi íslenskra sveitarfélaga, Jafnréttisstofu og Jafnréttisráði. Félagsmálanefnd mun ræða frekar um starfsmarkmið í jafnréttismálum á næsta fundi.
4.Móttökuáætlun innflytjenda - 2015010086
Rætt um vinnu við gerð móttökuáætlunar innflytjenda.
Sædís María Jónatansdóttir gerði grein fyrir vinnu við gerð móttökuáætlunar innflytjenda.
5.Ofbeldi á heimilum, meðferð fyrir konur og karla sem beita ofbeldi í nánum samböndum. - 2016040029
Lagður fram einblöðungur um ofbeldi á heimilum þar sem kynnt er meðferð fyrir konur og karla sem beita ofbeldi í nánum samböndum.
Lagt fram til kynningar.
Fundi slitið - kl. 18:00.
Er hægt að bæta efnið á síðunni?
Félagsmálanefnd vill þakka Helgu Björk Jóhannsdóttur fyrir samstarfið í félagsmálanefnd. Jafnframt vill nefndin bjóða Tinnu Hrund Hlynsdóttur velkomna til starfa með nefndinni.