Umhverfis- og framkvæmdanefnd

87. fundur 27. ágúst 2019 kl. 08:10 - 09:45 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Nanný Arna Guðmundsdóttir formaður
  • Steinunn Guðný Einarsdóttir varaformaður
  • Aðalsteinn Egill Traustason aðalmaður
  • Helga Dóra Kristjánsdóttir aðalmaður
  • Magnús Einar Magnússon aðalmaður
Starfsmenn
  • Ralf Trylla umhverfisfulltrúi
  • Brynjar Þór Jónasson sviðsstjóri umhverfis- og eignasviðs
Fundargerð ritaði: Ralf Trylla umhverfisfulltrúi
Dagskrá

1.Framkvæmdaráð Umhverfisvottunar sveitarfélaga á Vestfjörðum (Earth Check) - 2019020090

María Hildur Maack, starfsmaður Vestfjarðastofu, kynnir framkvæmdaáætlun umhverfisvottunar sveitafélaga á Vestfjörðum.
María Hildur Maack kynnti umhverfisvottun sveitarfélaga á Vestfjörðum.

Gestir

  • María Hildur Maack - mæting: 08:15

2.Málefni hverfisráða - 2017010043

Tekið fyrir erindi Íbúasamtakanna Átaks í Dýrafirði, sem m.a. snýr að sorpflokkun.
Nefndin felur umhverfisfulltrúa að kynna sorpflokkun í sveitarfélaginu í samstarfi við upplýsingafulltrúa og Gámaþjónustu Vestfjarða.

3.Sorpmál 2018 eftirlit GV - 2018010004

Umhverfisfulltrúi upplýsir um stöðu í jarðgerðarmálum.
Umhverfisfulltrúi kynnti stöðu mála í jarðgerð Ísafjarðarbæjar. Frá áramótum hafa safnast rúm 72 tonn af lífrænum úrgangi til jarðgerðar, sem er í samræmi við þær áætlanir sem gerðar voru í aðdraganda útboðs 2017. Eitthvað hefur borið á aðskotahlutum, svo sem plasti, í söfnuninni þannig að ekki hefur verið hægt að koma moltunni í dreifingu. Umhverfisnefnd hvetur íbúa til að gæta að flokkuninni svo bæta megi gæði moltunnar.

4.Gleiðarhjalli, mótvægisaðgerðir - 2019080049

Lögð fram drög að mótvægisaðgerðum vegna uppbyggingu snjóflóðavarnargarða undir Gleiðarhjalla, unnin af Verkís í júní 2019. Einnig lögð fram til samanburðar tillaga að mótvægisaðgerðum unnin af teiknistofunni Eik í ágúst 2011.
Nefndin felur sviðsstjóra umhverfis- og eignasviðs að sjá til þess að verkið verði unnið í samræmi við gögn sem kynnt voru 2011.

Fundi slitið - kl. 09:45.

Var efnið á síðunni hjálplegt?