Umhverfis- og framkvæmdanefnd

72. fundur 09. október 2018 kl. 08:10 - 08:50 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Steinunn Guðný Einarsdóttir varaformaður
  • Helga Dóra Kristjánsdóttir aðalmaður
  • Magnús Einar Magnússon aðalmaður
  • Arna Ýr Kristinsdóttir varamaður
  • Kristján Andri Guðjónsson varamaður
  • Brynjar Þór Jónasson sviðsstjóri umhverfis- og eignasviðs
Starfsmenn
  • Hálfdán Bjarki Hálfdánsson upplýsingafulltrúi
  • Ralf Trylla umhverfisfulltrúi
Fundargerð ritaði: Hálfdán Bjarki Hálfdánsson upplýsingafulltrúi

Dagskrá

1.Tjarnarsvæði á Suðureyri - 2011030002

Lagðar fram þrjár tillögur um skipulag tjarnarsvæðisins á Suðureyri.
Lagt fram til kynningar. Nefndin felur starfsmönnum tæknideildar að bera málið undir hverfisráð Súgandafjarðar til umsagnar og umræðu.

2.Hraðavaraskilti í Ísafjarðarbæ - 2010120030

Lagðar fram upplýsingar frá Ralf Trylla umhverfisfulltrúa um hraðavaraskilti sem setja á upp í sveitarfélaginu. Til stendur að setja upp skilti við strætóstoppistöð á Pollgötu á Ísafirði, við gatnamót Sætúns og Súgandafjarðarvegs við Suðureyri, við lónið fyrir utan Flateyri og við Fjarðargötu 64 á Þingeyri. Þá eru uppi hugmyndir um að Ísafjarðarbær kaupi færanlegt hraðavaraskilti og noti það eftir þörfum á ólíkum stöðum.
Lagt fram til kynningar. Umhverfisfulltrúa falið að vinna málið áfram í samstarfi við Vegagerðina. Þá leggur nefndin til að gert verði ráð fyrir kaupum á færanlegu skilti á fjárhagsáætlun 2019.

3.Framtíðarskipulag skíðasvæðis Ísafjarðarbæjar - 2017030089

Kynntar tillögur Nannýjar Örnu Guðmundsdóttur um skipun starfshóps um skipulag útivistasvæða í Tungudal, Dagverðardal og Seljalandsdal.
Nefndin leggur til við bæjarstjórn að starfshópurinn verði skipaður í samræmi við tillögurnar. Samkvæmt þeim verður hópurinn skipaður formanni umhverfis- og framkvæmdanefndar, byggingarfulltrúa og sviðsstjóra umhverfis- og eignasviðs.

4.Ósk um leyfi til losunar á óvirkum úrgangi - 2018100004

Lagt fram bréf Karls Ásgeirssonar f.h. Skagans 3X á Ísafirði, dags. 28. september, þar sem óskað er eftir 10 ára leyfi til að losa óvirkan úrgang, n.t.t. sand og glersalla, sem fellur til við framleiðslu fyrirtækisins.
Nefndin veitir leyfi til losunar í 10 ár í samræmi við verðskrá og fyrirkomulag förgunar á óvirkum úrgangi hverju sinni.

Fundi slitið - kl. 08:50.

Var efnið á síðunni hjálplegt?