Umhverfis- og framkvæmdanefnd

1. Ætlar Ísafjarðarbær að leggja til maíspoka handa íbúum?
Umhverfis- og framkvæmdanefnd leggur til að maíspokum/pappírspokum verði dreift á öll heimili Ísafjarðarbæjar í upphafi sem hluta af kynningarstarfi. Dreifing á pokum og kynning á flokkun sorps, þar sem gengið er í hús, verði hluti af útboði og á ábyrgð þess verktaka sem samið verður við.

2. Svæði fyrir meðhöndlun lífræna efnisins, ætlar Ísafjarðarbær að leggja til svæði?
Umhverfis- og framkvæmdanefnd leggur til að núverandi svæði við Funa verði notað áfram fyrir söfnun og meðhöndlun.

3. Gæði á lífrænu efni (lág- meðal há)?
Umhverfis- og framkvæmdanefnd leggur til að afurð moltugerðar verði nothæf og felur tæknideild að útfæra uppskrift að moltu að höfðu samráði við sérfræðinga á sviði jarðgerðar.

4. Hver á vera eigandi að tunnunum (Verktaki, Ísafjarðarbær, húseigendur)?
Umhverfis- og framkvæmdanefnd leggur til að Ísafjarðarbær leggi til þau sorphirðuílát sem uppá vantar.

5. Ætlar Ísafjarðarbær að safna saman gleri?
Umhverfis- og framkvæmdanefnd leggur til að settir verði tveir grendargámar til glersöfnunar við verslunarkjarna á Ísafirði.

6. Húsnæði fyrir sorpsöfnun og móttöku (Funa) ? ætlar verktaki að borga leigu?
Umhverfis- og framkvæmdanefnd leggur til að húsnæði Funa verði lagt til af Ísafjarðarbæ en rafmagn og hiti greiðist af verktaka.

7. Vill Ísafjarðarbær taka þátt í kostnaði við breytingar (hjá íbúum) vegna lengingar í 3ja vikna söfnun?
Umhverfis- og framkvæmdanefnd leggur til að Ísafjarðarbær aðstoði íbúa eins og kostur er við að aðlagast nýju kerfi.

8. Ætlar Ísafjarðarbæ að vera með gjaldfrjálsan, óvirkan úrgang?
Umhverfis- og framkvæmdanefnd leggur til að losun á allt að 0,5 m3 af óvirkum úrgangi verði gjaldfrjáls fyrir einstaklinga í móttökustöð Funa.

9. Útboði skipt upp söfnun- Rekstur í Funa- Förgun?
Umhverfis- og framkvæmdanefnd leggur til að skoðað verði hvort hagkvæmt er að skipta útboðinu upp.

10. Klippikort ?
Umhverfis- og framkvæmdanefnd leggur til að ekki verði farið í útgáfu klippikorta.