Umhverfis- og framkvæmdanefnd

30. fundur 21. júní 2016 kl. 08:00 - 09:30 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Nanný Arna Guðmundsdóttir formaður
  • Erla Rún Sigurjónsdóttir aðalmaður
  • Kristín Hálfdánsdóttir aðalmaður
  • Jóna Símonía Bjarnadóttir varamaður
Starfsmenn
  • Hálfdán Bjarki Hálfdánsson upplýsingafulltrúi
  • Ralf Trylla umhverfisfulltrúi
  • Brynjar Þór Jónasson sviðsstjóri umhverfis- og eignasviðs
Fundargerð ritaði: Hálfdán Bjarki Hálfdánsson upplýsingafulltrúi
Dagskrá

1.Fjórðungssamband Vestfirðinga - ýmis mál og fundargerðir 2016/2017 - 2016020005

Lögð fram beiðni Aðalsteins Óskarssonar f.h. Fjórðungssambands Vestfirðinga, dags. 24. maí, um umsögn um tillögu að gerð svæðisáætlunar fyrir Vestfirði.
Bæjarráð vísaði erindinu til umfjöllunar í atvinnu- og menningarmálanefnd, umhverfis- og framkvæmdanefnd og skipulags- og mannvirkjanefnd.
Nefndin þakkar framlagða tillögðu og hvetur Fjórðungssambandið til áframhaldandi vinnu með þeirri von að skýrslan verði vegvísir að framtíðarsýn svæðisins.

2.Bílastæði innan þéttbýlis - 2016030025

Lagður fram tölvupóstur umhverfisfulltrúa Ísafjarðarbæjar, dags. 14.6.2016, til skipulags- og mannvirkjanefndar um nýtingu lóðar við Sindragötu 4a undir bílastæði.
Nefndin þakkar tæknideild fyrir vel unna tillögu.

3.Umsókn um rekstur tjaldsvæðis - 2016060041

Lögð fram umsókn Daníels Jakobssonar f.h. Hótels Ísafjarðar dags. 15.6.2016 um leyfi til reksturs tjaldsvæðis við heimavist Menntaskólans á Ísafirði.
Lagt fram til kynningar.

4.Gamlir ruslahaugar innan þéttbýlis. - 2016060055

Lögð fram yfirlitsmynd umhverfisfulltrúa þar sem merktir eru gamlir ruslahaugar í Skutulsfirði.
Tæknideild falið að vinna að lausn á þeim vanda sem upp er kominn vegna jarðvegsframkvæmda á Suðurtanga. Rætt um það vandamál sem blasir við þegar hafist verður handa við jarðvegsvinnu á ákveðnum uppfyllingum á Ísafirði og hvernig unnið skuli úr gömlu sorpi sem komið hefur upp á undanförnum árum.

5.Frumvörp og þingsályktunartillögur til umsagnar 2016 - 2016010027

Lögð fram beiðni umhverfis- og auðlindaráðuneytis dags. 8. júní um tillögur og ábendingar vegna endurskoðunar laga nr. 106/2000 um mat á umhverfisáhrifum.
Lagt fram til kynningar.

Fundi slitið - kl. 09:30.

Er hægt að bæta efnið á síðunni?