Umhverfis- og framkvæmdanefnd
Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
Dagskrá
1.Verndar- og stjórnunaráætlun fyrir náttúruvættið Dynjanda í Arnarfirði - 2014100066
Lagður fram tölvupóstur frá Hákoni Ásgeirssyni (Umhverfisstofnun), dags. 20.5.2015, með lokaútgáfu verndar- og stjórnunaráætlunar Dynjanda.
Nefndin þakkar framlögð gögn en óskar eftir því að þolmarkagreiningu svæðisins verði flýtt svo hún verði tilbúin áður en Dýrafjarðargöng verða að veruleika. Þá bendir umhverfis- og framkvæmdanefnd á að með framlögum til uppbygginga innviða á ferðamannastöðum víða um land er nú gert ráð fyrir gerð salernisaðstöðu fyrir ríkisfé og vill nefndin að skýrt verði betur hver ábyrgð Ísafjarðarbæjar verður varðandi uppbyggingu og viðhald þessarar aðstöðu á Dynjanda.
2.Sorpmál 2017 - 2015020030
Stefnumótun sorpmála 2017. Umræða um framtíð málaflokksins.
Rætt um framtíðarfyrirkomulag sorpmála í Ísafjarðarbæ. Starfshópi nefndarinnar falið að vinna málið áfram og kanna ólíkar aðferðir til sorpförgunar og jarðgerðar.
Fundi slitið - kl. 09:15.
Er hægt að bæta efnið á síðunni?