Umhverfis- og framkvæmdanefnd
Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
Dagskrá
1.Loftslagsstefna Ísafjarðarbæjar - 2025060021
Á 164. fundi umhverfis- og framkvæmdanefndar þann 14. janúar 2026 fól nefndin Erlu Margréti Gunnarsdóttur, skipulags- og umhverfisfulltrúa ásamt Halldóru Björk Norðdahl, formanni nefndar, að vinna drög að loftlagsstefnu og kynna fyrir nefnd. Fyrstu drög að loftslagsstefnu voru kynnt á 165. fundi nefndarinnar þann 11. febrúar 2026, einnig var lagt fram minnisblað Erlu Margrétar Gunnarsdóttur, skipulags- og umhverfisfulltrúa dags. 9. febrúar 2026 er varðar Umhverfisstefnu Ísafjarðarbæjar frá árinu 2017. Nú eru lögð fram ný drög að Loftlagsstefnu Ísafjarðarbæjar, dags. 23. febrúar 2026.
2.Númerslausir bílar 2025 - 2025050071
Lagt fram minnisblað Erlu Margrétar Gunnarsdóttir, skipulags- og umhverfisfulltrúa dags. 23. febrúar 2026 um áframhaldandi stöðu mála er varða númerslausa bíla á landi í eigu sveitarfélagsins.
Umhverfis- og framkvæmdanefnd fagnar árangri í fækkun númerslausra bíla í landi sveitarfélagsins og hvetur íbúa til að huga að númerslausum bílum og öðrum lausamunum bæði á landi sveitarfélagsins og inn á einkalóðum með það fyrir augum að bæta ásýnd Ísafjarðarbæjar.
3.Túngata Ísafirði - Umferðaröryggi - 2026020069
Á 165. fundi umhverfis- og framkvæmdanefndar var tekinn fyrir tölvupóstur dags. 11. janúar 2026 frá íbúa á Túngötu vegna umferðaröryggis. Tók nefndin undir áhyggjur íbúa og frestaði máli til næsta funda skv. tilmælum Erlu Margrétar Gunnarsdóttur, skipulags- og umhverfisfulltrúa í minnisblaði dags. 9. febrúar, til að nefndarmenn gætu kynnt sér aðstæður. Nú er minnisblaðið lagt fram að nýju.
Umhverfis- og framkvæmdanefnd hefur farið yfir mögulegar lausnir til að bæta umferðaröryggi á Túngötu. Nefndin telur að einstefna eða vistgata séu ekki vænlegar leiðir að svo stöddu, en að æskilegt sé að skoða uppsetningu hraðahindrana, blikkandi hraðaskilti og að taka þurfi á bílastæðamálum á svæðinu.
Nefndin samþykkir að boða fulltrúa íbúa á Túngötu ásamt Páli Brynjari Pálssyni, verkstjóra áhaldahúss, á næsta fund nefndarinnar til að ræða mögulegar úrbætur og vinna að úrlausn málsins.
Nefndin samþykkir að boða fulltrúa íbúa á Túngötu ásamt Páli Brynjari Pálssyni, verkstjóra áhaldahúss, á næsta fund nefndarinnar til að ræða mögulegar úrbætur og vinna að úrlausn málsins.
4.Svæðisskipulag vestfirskra sveitarfélaga - 2022110080
Lögð fram til kynningar umsagnarbeiðni úr Skipulagsgátt dags. 16. febrúar 2026 þar sem Svæðisskipulagsnefnd Vestfjarða kynnir tillögu að Svæðisskipulagi Vestfjarða 2025-2050, ásamt umhverfisskýrslu og fylgiriti. Aðildarsveitarfélög eru öll sveitarfélög á Vestfjörðum; Árneshreppur, Kaldrananeshreppur, Strandabyggð, Reykhólahreppur, Vesturbyggð, Tálknafjarðarhreppur, Ísafjarðarbær, Bolungarvíkurkaupstaður og Súðavíkurhreppur. Tillaga að Svæðisskipulagi Vestfjarða ásamt forsendum og umhverfismati hennar, er kynnt í Skiplagsgátt. Kynningartíminn stendur yfir frá 16. febrúar 2026 til 7. apríl 2026. Óskað er eftir því að athugasemdum verði komið á framfæri á Skipulagsgáttinni fyrir lok dags 7. apríl 2026. Um er að ræða fyrsta svæðisskipulagið sem tekur til Vestfjarða í heild og markar sameiginlega stefnu sveitarfélaga til ársins 2050. Í svæðisskipulagstillögunni eru sett fram leiðarljós og markmið undir fimm málefnasviðum; náttúru og auðlindir, grunnkerfi, samfélagsauð, atvinnu og nýsköpun og menningarauð. Hver málaflokkur hefur sín markmið og aðgerðir ásamt skýringum við stefnuna. Auglýsing tillögunnar og umhverfismatsskýrslu er á grundvelli 24. gr. skipulagslaga nr. 123/2010 og 15. gr. laga um umhverfismat framkvæmda og áætlana nr. 111/2021.
Lagt fram til kynningar.
Fundi slitið - kl. 09:43.
Er hægt að bæta efnið á síðunni?
Umhverfis- og framkvæmdanefnd leggur til við bæjarstjórn að fella úr gildi Umhverfisstefnu Ísafjarðarbæjar frá 2017 við gildistöku Loftslagsstefnu Ísafjarðarbæjar.