Umhverfis- og framkvæmdanefnd

6. fundur 27. nóvember 2014 kl. 08:00 - 10:00 í fundarsal 2.hæð
Nefndarmenn
  • Nanný Arna Guðmundsdóttir formaður
  • Lína Björg Tryggvadóttir varaformaður
  • Kristín Hálfdánsdóttir aðalmaður
  • Óðinn Gestsson aðalmaður
  • Jóna Símonía Bjarnadóttir varamaður
  • Jóhann Birkir Helgason sviðsstjóri umhverfis- og eignasviðs
  • Hálfdán Bjarki Hálfdánsson upplýsingafulltrúi
  • Ralf Trylla umhverfisfulltrúi
Fundargerð ritaði: Hálfdán Bjarki Hálfdánsson upplýsingafulltrúi
Dagskrá

1.Málefni kirkjugarða - 2013100065

Lagt er fram bréf Björns Baldurssonar, formanns sóknarnefndar Ísafjarðarsóknar, dags. 20. október sl., þar sem óskað er eftir að Ísafjarðarbær leggi sókninni lið við hirðingu garðanna á árinu 2015.
Umhverfis- og framkvæmdanefnd tekur undir bókun bæjarráðs varðandi áskorun til innanríkisráðuneytis. Nefndin leggur til við bæjarráð að gert verði ráð fyrir efniskostnaði vegna girðinga og gatna í fjárhagsáætlun 2015.

2.Tillaga til bæjarstjórnar um að draga úr plastpokanotkun - 2014110005

Bæjarstjórn Ísafjarðarbæjar samþykkir að fela umhverfis- og framkvæmdanefnd að finna leiðir til að minnka plastpokanotkun í sveitarfélaginu. Til að draga verulega úr plastpokanotkun í sveitarfélaginu þarf samstillt átak íbúa, verslunareigenda, sveitarfélagsins og annarra hagsmunaaðila svo að árangur náist.
Umhverfis- og framkvæmdanefnd leggur til að horft verði sérstaklega til þess árangurs sem náðst hefur í þessum málum á Stykkishólmi og felur umhverfisfulltrúa að leggja hugmyndir að nánari útfærslu fyrir nefndina.

3.Fjárhagsáætlun 2015 - 2014080027

Rætt um gjaldskrár og fjárhagsáætlun 2015.
Umhverfis- og framkvæmdanefnd leggur til að framlögð drög að gjaldskrá verði samþykkt. Nefndin óskar eftir að fá frekari upplýsingar um rekstur málaflokksins milli umræðna um fjárhagsáætlun 2015.

4.Eftirlit - Kubbur ehf. - Sorpmál. - 2011030081

Lagðar fram tölur yfir sorpmagn og endurvinnsluefni fyrir árið 2013/14.
Lagt fram til kynningar.

5.Umhverfisstefna Ísafjarðarbæjar - 2011090086

Lögð fram að nýju drög að umhverfisstefnu Ísafjarðarbæjar.
Ákveðið að vinna áfram með málið og taka það upp á næsta fundi.

6.Hámarkshraði í Pollgötu og Krók - 2014110033

Nefndinni falið að kanna kosti þess og galla að hækka hámarkshraða á Pollgötu og í Króki upp í 50 km/klst.
Nefndin tekur ekki undir hugmyndir um 50 km/klst hámarkshraða í Krók og þykir sá hraði einnig of hár á Pollgötu. Hins vegar leggur nefndin til að skoðaður verði 40 km/klst hámarkshraði á Pollgötu.

Fundi slitið - kl. 10:00.

Er hægt að bæta efnið á síðunni?