Umhverfis- og framkvæmdanefnd

Núgildandi samþykktir um hundahald og kattahald eru frá 2013. Rætt hefur verið um hjá núverandi bæjarstjórn og fyrrum bæjarstjórn að þær þarfnist uppfærslu. Í megindráttum er hægt að velja um tvær leiðir varðandi hunda- og kattahald, þ.e. sú leið sem í gildi er núna að bæði hundar og kettir séu leyfisskyldir hjá sveitarfélaginu. Heppilegast væri þá að steypa samþykkt um hunda- og kattahald saman í eina samþykkt. Hin leiðin er að hafa leyfisskyldu á hundahaldi, en sinna ekki leyfis- eða skráningarskyldu á köttum. Samþykkt um kattahald myndi þá taka á öðrum skyldum kattaeigenda, s.s. örmerkjaskráningu, dýravelferð, viðurlögum við brotum o.þ.h.

Er því lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 10. júlí 2025, auk uppfærða samþykkta um hunda- og kattahald annars vegar og samþykkt um hundahald og samþykkt um kattahald hins vegar, en lagt er til við nefndina að taka afstöðu til þess hvora leiðina nefndin vill fara.

Núgildandi samþykkt um búfjárhald er frá 2016. Rætt hefur verið um hjá núverandi bæjarstjórn og fyrrum bæjarstjórn að uppfæra þurfi samþykktina. Á árinu 2020 bókaði umhverfis- og framkvæmdanefnd að starfsmanni væri falið að breyta samþykkt um búfjárhald vegna reglna um fiðurfé. Þá var umræða í nefndinni í maí 2021 um breytingar á samþykktinni, en ekki var unnið frekar með málið.

Lögð fram ný samþykkt um búfjárhald 2025 ásamt minnisblaði frá Bryndísi Ósk Jónsdóttur, sviðstjóra stjórnsýslu- og fjármálasviðs, dags. 2. júlí 2025.

Á 159. fundi umhverfis- og framkvæmdanefndar fór fram fyrri umræða um gjaldskrár sem heyra undir nefndina. Um er að ræða gjaldskrár fyrir eftirfarandi málaflokka, áhaldahús, dýrahald, fráveitugjöld, Skrúð, sorp, tjaldsvæði og vatnsveitu.

Nú eru gjaldskrár sem heyra undir nefndina, dýrahald, Skrúð, tjaldsvæði og áhaldahús lagðar fyrir að nýju til síðari umræðu með breytingum fyrir starfsárið 2026, tekið er mið af áætlaðri hækkun vísitölu neysluverðs og launavísitölu.

Gjaldskrár sorps, fráveitu og vatnsveitu verðar lagðar fyrir á fundi nr. 161

Lögð fram drög að framkvæmdaáætlun verkefna umhverfis- og framkvæmdanefndar fyrir árin 2026-2036 til umræðu innan nefndar.

Lögð fram viðhaldsáætlun verkefna umhverfis- og framkvæmdanefndar fyrir árið 2026 til umræðu innan nefndar.

Lagt fram minnisblað Eyþórs Guðmundssonar deildarstjóra og Smára Karlssonar verkefnastjóra, dags. 3. september 2025 um valkostagreiningu á rekstri jarðgerðarstöðvar í Ísafjarðarbæ. Einnig lagt fram minnisblað Eyþórs Guðmundssonar deildarstjóra og Smára Karlssonar verkefnastjóra, dags. 14. september 2025 um útboð á sorphirðu í sveitarfélaginu. Óskað er eftir því að umhverfis- og framkvæmdanefnd taki afstöðu til þeirra atriða sem reifuð eru í minnisblöðunum.

Sorpurðun Vesturlands (SV) er hlutafélag í eigu sveitarfélaga á Vesturlandi, stofnað í þeim tilgangi að reka urðunarstað fyrir blandaðan úrgang frá sveitarfélögum á Vesturlandi. Árið 2011 var samþykkt að taka einnig við úrgangi frá sveitarfélögum á Vestfjörðum, í kjölfar þess að sorpbrennslustöð Funa á Ísafirði var lokað árið 2010.

Lagður fram endurnýjaður samningur milli SV og Ísafjarðarbæjar.

Lagður fram tölvupóstur dags. 10. september 2025, frá Anítu B. Pálínudóttur hjá Vegagerðinni, varðandi bætt öryggi við gangbraut í Hrannargötu á Ísafirði. Jafnframt er lögð fram tillaga á uppdrætti, dags. í september 2025.

Lagður fram til kynningar tölvupóstur frá starfsfólki Náttúrufræðistofnunar þar sem ársskýrsla stofnunarinnar fyrir árið 2024 er kynnt, dags. 15. ágúst 2025. Í skýrslunni er farið yfir helstu verkefni ársins, sameiningarferlið og framtíðarsýn nýrrar stofnunar.

Þetta er fyrsta ársskýrsla sameinaðrar stofnunar og jafnframt síðasta ársskýrsla Náttúrufræðistofnunar Íslands, Landmælinga Íslands og Náttúrurannsóknastöðvarinnar við Mývatn.

Umhverfis-, orku- og loftslagsráðuneytið kynnir til samráðs mál nr. 155/2025: Drög að aðgerðalista aðlögunaráætlunar vegna áhrifa loftslagsbreytinga á Íslandi. Umsagnarfrestur er til og með 30. september 2025.