Umhverfis- og framkvæmdanefnd

5. fundur 06. nóvember 2014 kl. 08:00 - 10:00 í fundarsal 2.hæð
Nefndarmenn
  • Lína Björg Tryggvadóttir varaformaður
  • Gunnar Jónsson aðalmaður
  • Kristín Hálfdánsdóttir aðalmaður
  • Óðinn Gestsson aðalmaður
  • Jóna Símonía Bjarnadóttir varamaður
  • Helga Dóra Kristjánsdóttir áheyrnarfulltrúi
  • Jóhann Birkir Helgason sviðsstjóri umhverfis- og eignasviðs
  • Hálfdán Bjarki Hálfdánsson upplýsingafulltrúi
Fundargerð ritaði: Hálfdán Bjarki Hálfdánsson upplýsingafulltrúi
Dagskrá

1.Fjárhagsáætlun 2015 - 2014080027

Tekin fyrir að nýju fjárfestingaráætlun fyrir árin 2015-2019 ásamt rekstraráætlun fyrir málaflokka 10, 11 og 33.
Jóhann Birkir Helgason bæjartæknifræðingur fór yfir fjárfestingaráætlun og rekstraráætlun með nefndinni.

2.Ályktun af aðalfundi Skógræktarfélags Íslands 2014 - 2014100017

Lagt fram bréf Skógræktarfélags Íslands, dags. 6. október sl., um landgræðsluskóga í lúpínubreiðum.
Nefndin tekur jákvætt í erindið og felur umhverfisfulltrúa að hafa samband við skógræktarfélög á svæðinu.

3.Grenjavinnsla 2014 - 2014020082

Tekið fyrir erindi Umhverfisstofnunar ódagsett, er varðar endurgreiðslur til sveitarfélaga vegna refaveiða. Jafnframt liggur fyrir samningur við Ísafjarðarbæ um refaveiðar fyrir árin 2014-2016 dags. 3.10.2014
Nefndin bendir á að framlag ríkisins hefur á fáum árum lækkað úr 50% niður í 10% og telur það hlutfall algjörlega óviðunandi og getur ekki mælt með að samið verði á þeim forsendum.

4.Hverfisráð Ísafjarðarbæ - 2011030002

Lögð er fram til kynningar fundargerð hverfisráðs Holta- og Tunguhverfis frá 20. október sl. og Eyrar og efri bæjar frá 21. október 2014.
Lagt fram til kynningar. Nefndin bendir á að í deiliskipulagi Tunguhverfis er gert ráð fyrir leiksvæði.

5.Umhverfismatsdagurinn 2014 - 2014110002

Skipulagsstofnun vill vekja athygli á því að glærur frá Umhverfismatsdeginum 2014 eru nú aðgengilegar á heimasíðu Skipulagsstofnunar
Lagt fram til kynningar.

6.Verndar- og stjórnunaráætlun fyrir náttúruvættið Dynjanda í Arnarfirði - 2014100066

Lagt fram bréf Umhverfisstofnunar, dagsett 27. október sl., þar sem óskað er eftir að Ísafjarðarbær tilnefni fulltrúa í samstarfsnefnd um gerð verndar- og stjórnunaráætlunar fyrir náttúruvættið Dynjanda í Arnarfirði.
Nefndin leggur til að Ralf Trylla, umhverfisfulltrúi, verði fulltrúi Ísafjarðarbæjar.

Fundi slitið - kl. 10:00.

Er hægt að bæta efnið á síðunni?