Umhverfis- og framkvæmdanefnd

Lagt fram minnisblað Smára Karlssonar, verkefnastjóra á umhverfis- og eignasviði, dags. 13. mars 2023, um refa- og minkaveiðar í sveitarfélaginu.

Lagður fram tölvupóstur dags. 27. febrúar 2023 frá Umhverfisstofnun, þar stofnunin vill koma því á framfæri til sveitafélaganna í landinu að stofnunin hefur komið á fót gagnagrunni um mengaðan jarðveg sbr reglugerð nr. 1400/2020 um mengaðan jarðveg. Þennan gagnagrunn er hægt að nálgast í kortasjá Umhverfisstofnunar og á svæði stofnunarinnar um mengaðan jarðveg. Umhverfisstofnun og heilbrigðiseftirlitin í landinu vinna að því að færa þekkt menguð svæði inn í gagnagrunninn ásamt svæðum þar sem grunur er um mengun. Þessi vinna mun þó taka talsverðan tíma. Umhverfisstofnun vill benda á að í 13. gr. reglugerðar nr. 1400/2020 kemur fram að sveitafélög skulu taka mið af gagnagrunninum við gerð skipulags. Stofnunin vill einnig benda á að opnaður hefur verið ábendingavefur inni á gagnagátt stofnunarinnar þar sem allir geta farið inn og sent inn ábendingu um menguð svæði eða svæði þar sem grunur er um mengun.

Lagður fram tölvupóstur dags. 27. febrúar 2023 frá Gauta Geirssyni hjá Háafelli þar sem er tilkynnt er viðbragðsáætlun vegna rifu á kví fyrirtækisins í Skötufirði sem kom í ljós við reglubundið eftirlit. Fyrirtækinu ber að tilkynna sveitarfélögum skv. viðbragðsáætlun og verkferlum.

Lagt fram minnisblað Hjörleifs Finnssonar, verkefnisstjóra á Flateyri, dags. 6. febrúar 2023, þar sem lagðar eru fram þrjár sviðsmyndir varðandi áframhaldandi rekstur tjalsvæðisins á Flateyri.

Lagt fram minnisblað Hjörleifs Finnssonar, verkefnisstjóra á Flateyri, dags. 14. mars 2023, þar sem lagðar eru til aðgerðir vegna hreinsunar á Flateyrarodda.