Umhverfis- og framkvæmdanefnd
Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
Dagskrá
1.Grenjavinnsla 2022 - refa- og minkaveiði - 2022060002
Lagður fram tölvupóstur dags. 6. september 2022, frá Steinari Beck Baldurssyni hjá Umhverfisstofnun þar sem er kallað eftir áætlun sveitarfélagsins vegna refaveiða árin 2023 til 2025.
Starfsmanni nefndar falið að yfirfara reglur um greiðslur til refa- og minkaveiðimanna í Ísafjarðarbæ og leggja fyrir næsta fund umhverfis- og framkvæmdanefndar.
2.Tjaldsvæði í Tungudal - framlenging á samning - 2022110018
Lagt fram erindi Gauts Ívars Halldórssonar, f.h. G.I. Halldórsson ehf. þar sem hann óskar eftir framlengingu á samningi um rekstur tjaldsvæðisins í Tungudal.
Umhverfis- og framkvæmdanefnd leggur til að samningur G.I. Halldórssonar ehf. um rekstur tjaldsvæðisins í Tungudal verði framlengdur í samræmi við 4. grein verksamnings.
3.Innleiðing á nýju regluverki í sorpmálum - Borgað þegar hent er - 2022060100
Lagt fram minnisblað Smára Karlssonar, verkefnisstjóra á umhverfis- og eignasviði, um stöðu mála vegna innleiðingar á nýju regluverki í úrgangsmálum.
Lagt fram til kynningar.
4.Snjómokstursreglur og mokstursleiðir í Ísafjarðarbæ. Endurskoðun - 2022080053
Lagt fram minnisblað Tinnu Ólafsdóttur upplýsingafulltrúa um algengustu athugasemdir sem starfsfólki Ísafjarðarbæjar berst vegna snjómoksturs í sveitarfélaginu.
Starfsmanni nefndar falið að uppfæra snjómokstursreglur í samræmi við umræður á fundinum og leggja breytingartillögu fyrir næsta fund.
Fundi slitið - kl. 10:00.
Er hægt að bæta efnið á síðunni?