Umhverfis- og framkvæmdanefnd

106. fundur 01. júní 2021 kl. 08:10 - 10:00 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Nanný Arna Guðmundsdóttir formaður
  • Alberta G Guðbjartsdóttir varamaður
  • Geir Sigurðsson varamaður
  • Magnús Einar Magnússon aðalmaður
Starfsmenn
  • Axel Rodriguez Överby sviðsstjóri umhverfis- og eignasviðs
  • Helga Þuríður Magnúsdóttir verkefnastjóri
Fundargerð ritaði: Helga Þuríður Magnúsdóttir verkefnastjóri
Dagskrá

1.Úttekt frárennslislagna 2016 - 2016110066

Lagt fram minnisblað Verkís dagsett 24.03.2021 um áætlaðan kostnað við hreinsistöðvar og sameiningu útrása í sveitafélaginu, ásamt úttekt Verkís á fráveitu Ísafjarðarbæjar dags. 18.12.2017.
Jóhann Birkir Helgason er boðaður á fund nefndar.
Jóhann Birkir Helgason yfirgaf fundinn klukkan 9:05. Nefndin þakkar Jóhanni Birki fyrir kynninguna.

2.Númerslausir bílar í Ísafjarðarbæ - Málsmeðferð - 2021050028

Umhverfis- og framkvæmdanefnd fól sviðsstjóra að vinna tillögur að verkferlum og leggja fram á næsta fundi.
Anton Helgason og Hlynur Reynisson hjá HEVF eru boðaðir til fundar.
Anton Helgason og Hlynur Reynisson hjá HEVF mæta til fundar og kynna verkferli við númeralausa bíla í sveitarfélaginu. Sviðsstjóra er falið að vinna málið áfram.

Gestir

  • Anton Helgason - mæting: 09:10
  • Bryndís Ósk Jónsdóttir - mæting: 09:10
  • Hlynur Reynisson - mæting: 09:10

3.Skógrækt 2021-2031 og drög að landsáætlun ásamt umhverfismati áætlunar - 2021050048

Hrefna Jóhannesdóttir f.h. Skógræktarinnar, óskar eftir umsögnum um drög að landsáætlun í skógrækt 2021-2031 og um drög að umhverfismati áætlunarinnar.

Tilefni mótunar nýrrar stefnu, landsáætlunar í skógrækt, byggir á 4. gr. laga um skóga og skógrækt nr. 33/2019. Þar segir: Ráðherra gefur út eigi sjaldnar en á fimm ára fresti landsáætlun í skógrækt til tíu ára í senn. Landsáætlunin skal kveða á um stefnu stjórnvalda þar sem fjallað er um stöðu og framtíð skóga í landinu, ásamt tölusettum markmiðum um árangur í skógrækt.

Landsáætlun í skógrækt fjallar um málaflokkinn skógrækt, sem heyrir undir umhverfis- og auðlindaráðuneytið. Skógræktin er sú ríkisstofnun sem fæst við málaflokkinn. Heildstæð stefna á þeim forsendum sem hér gilda hefur ekki áður verið unnin. Lokaafurð er heildarstefna í skógrækt á Íslandi til næstu 10 ára.

Skiptar skoðanir voru meðal aðila í verkefnisstjórn áætlunarinnar sem leiddi til þess að samið var minnihlutaálit. Það er að finna á sama stað og er einnig hægt að skila inn athugasemdum um það.

Nánari upplýsingar og skjöl til umsagnar er að finna á heimasíðu Skógræktarinnar, sjá: https://www.skogur.is/is/nyskograekt/landsaaetlun-i-skograekt/landsaaetlun-i-skograekt/drog-ad-landsaaetlun-i-skograekt-2021-2025

Umsagnarfrestur er til 18. júní 2021.
Frestað.

4.Ákall til sveitarfélaga um að taka Bonn-áskoruninni - 2021050046

Lagður fram tölvupóstur Péturs Halldórssonar, f.h. Skógræktarinnar og Landgræðslunnar, dags. 10. maí 2021, ásamt fylgigögnum, þar sem skorað er á sveitarfélög að taka Bonn-áskoruninni, sem er alþjóðlegt átak um útbreiðslu skóga.
Bæjarráð vísaði erindinu til umhverfis- og framkvæmdanefndar á 1153. fundi sínum sem fram fór þann 17. maí 2021.
Frestað.

5.Framkvæmdaáætlun 2022 til 2032 - 2021040094

Lögð fram drög fjárfestingaráætlun 2022-2032 til umræðna.
Frestað.

Fundi slitið - kl. 10:00.

Er hægt að bæta efnið á síðunni?