Skipulags- og mannvirkjanefnd

443. fundur 07. október 2015 kl. 08:00 - 10:45 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Sigurður Jón Hreinsson formaður
  • Sigurður Mar Óskarsson aðalmaður
  • Inga María Guðmundsdóttir varamaður
  • Hildur Elísabet Pétursdóttir varamaður
  • Gísli Halldór Halldórsson bæjarstjóri
  • Inga Steinunn Ólafsdóttir áheyrnarfulltrúi
Starfsmenn
  • Ralf Trylla umhverfisfulltrúi
  • Ólöf Guðný Valdimarsdóttir skipulags- og byggingarfulltrúi
  • Brynjar Þór Jónasson sviðsstjóri umhverfis- og eignasviðs
Fundargerð ritaði: Ólöf Guðný Valdimarsdóttir skipulags- og byggingarfulltrúi
Dagskrá

1.Ljósleiðari - Holt-Ingjaldssandur, Önundarfirði - 2015090051

Snerpa ehf sækir um leyfi til að leggja ljósleiðara frá Holti í Önundarfirði, út í Valþjófsdal, þaðan yfir Klúkuheiði og niður Ingjaldssandsdal skv. gögnum sem fylgja erindinu.
Skipulags- og mannvirkjanefnd leggur til við bæjarstjórn að framkvæmdaleyfi verði samþykkt að uppfylltum þeim skilyrðum sem fram koma í umsögnum og að leiðin verði stikuð úr botni Valþjófsdals upp á Klúkuheiði og niður Brekkudal áður en framkvæmdir hefjast. Nefndin telur að framkvæmdin rúmist innan stefnu aðalskipulags Ísafjarðarbæjar 2008-2020, lagnaleiðin verður færð inn á aðalskipulagsuppdráttinn við endurskoðun.

2.Arnarnúpur 1 - umsókn um stofnun lóðar í fasteignaskrá - 2015060004

Kristjana Vagnsdóttir sækir um að stofna 13,9 ha lóð út úr landi Arnarnúps 1 í Dýrafirði. Jörðin er skráð lögbýli í Þjóðskrá Íslands og tilheyra húsin lögbýlinu. Lagt fram minnisblað bæjarritara.
Skipulags- og mannvirkjanefnd leggur til við bæjarstjórn að umsóknin verði samþykkt.

3.Fjárhagsáætlun 2016 - 2015030048

Gjaldskrá vegna skipulagsbreytinga og framkvæmdaleyfa og samþykkt um gatnagerðargjald, stofngjald vatnsveitu, stofngjald holræsa og byggingarleyfisgjald í Ísafjarðarbæ lagt fram. Bæjarráð leggur til að gjaldskrár hækki almennt um 4,3%, sem er verðbólguáætlun Seðlabankans frá 19. ágúst sl., en sú tillaga er í samræmi við tillögu Sambands íslenskra sveitarfélaga um að sveitarfélög noti forsendur þjóðhagsspár við útreikninga um verðlag 2016.
Skipulags- og mannvirkjanefnd gerir ekki athugasemd við tillögu bæjarráðs um 4,3% hækkun gjaldskráa.

4.Frumvörp og þingsályktunartillögur til umsagnar 2015 - 2015020078

Umhverfis- og samgöngunefnd Alþingis sendir til umsagnar tillögu til þingsályktunar um landsskipulagsstefnu 2015-2026, 101. mál.
Skipulags- og mannvirkjanefnd ítrekar þá afstöðu Ísafjarðarbæjar að nauðsynlegt sé að sveitarfélög ráði skipulagi strandsjávar út að 1 sjómílu frá grunnlínu. Nefndin gerir ekki athugasemdir að öðru leyti.

5.Æfingaturn - umsókn um stöðuleyfi - 2015090074

Unglingadeildin Hafstjarnan óskar eftir að fá að reisa æfingaturn til að æfa sig í fjallabjörgun skv. uppdrætti dags. 11/15.
Skipulags- og mannvirkjanefnd tekur jákvætt í erindið og felur byggingarfulltrúa að ganga frá málinu í sæmræmi við umræðu á fundinum.

6.Bílapartasala Stekkjargötu 21 - starfsleyfi 2015 - 2015040061

Starfsleyfi fyrir bílapartasölu að Stekkjargötu 21, Hnífsdal. Bréf heilbrigðisfulltrúa Vestfjarða.
Skipulags- og mannvirkjanefnd fellst á sjónarmið heilbrigðisfulltrúa og fellir úr gildi bókun nefndarinnar frá 8. desember 2004. Nefndin leggur áherslu á að skipulagi sé framfylgt við útgáfu starfsleyfis og vísar að öðru leyti í reglur um starfsleyfisskilyrði fyrir bílapartasölur og skylda starfsemi.

Fundi slitið - kl. 10:45.

Er hægt að bæta efnið á síðunni?