Skipulags- og mannvirkjanefnd

432. fundur 15. apríl 2015 kl. 08:00 - 09:46 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Sigurður Jón Hreinsson formaður
  • Sigurður Mar Óskarsson aðalmaður
  • Inga María Guðmundsdóttir varamaður
  • Ingólfur Hallgrímur Þorleifsson varamaður
Starfsmenn
  • Ólöf Guðný Valdimarsdóttir skipulags- og byggingarfulltrúi
Fundargerð ritaði: Ólöf Guðný Valdimarsdóttir skipulags- og byggingarfulltrúi
Dagskrá

1.Leyfi til leitar og borunar eftir vatni fremst í Botnsdal - 2014030045

Frestað á síðasta fundi. Umsögn Heilbrigðiseftirlits Vestfjarða dags. 23. mars 2015 lögð fram.
Afgreiðslu frestað þar sem umsögn Umhverfisstofnunar hefur ekki borist.

2.Borun eftir heitu vatni í Botni, Súgandafirði - umsókn um framkvæmdaleyfi - 2015030038

Frestað á síðasta fundi. Umsókn frá Birni Birkissyni um framkvæmdaleyfi til að bora eftir heitu vatni í Botni í Súgandafirði.
Um er að ræða tvær borholur á röskuðu landi. Skipulags- og mannvirkjanefnd samþykkir erindið og felur skipulagsfulltrúa að ganga frá málinu.

3.Jarðgöng undir Breiðadals- og Botnsheiði - viðbragðsáætlun - 2015030026

Frestað á síðasta fundi. Erindi Vegagerðarinnar dags. 3. mars 2015 þar sem farið er fram á samþykki byggingaryfirvalda Ísafjarðarbæjar á viðbragðsáætlun fyrir jarðgöng undir Breiðadals- og Botnsheiðar. Jafnframt lagt fram álit slökkviliðsstjóra Ísafjarðarbæjar.
Skipulags- og mannvirkjanefnd leggur til við bæjarstjórn að viðbragðsáætlunin verði samþykkt enda liggur fyrir álit slökkviliðsstjóra. Sigurður Mar Óskarsson vék af fundi við afgreiðslu málsins.

4.Neðri Tunga 1 - umsókn um stofnun fasteigna í fasteignaskrá - 2015030089

Frestað á síðasta fundi. Til afgreiðslu umsókn Ragnheiðar Hákonardóttur um stofnun fasteigna í fasteignaskrá.
Skipulags- og mannvirkjanefnd óskar eftir frekari upplýsingum um fyrirætlanir eiganda og hvernig þær samræmast upphaflegum hugmyndum um framtíð fasteignarinnar. Nefndin óskar jafnframt eftir upplýsingum um hvernig kvaðir í kaupsamningi hafa verið uppfylltar.

5.Landsskipulagsstefna 2015 - 2026 - 2014010001

Frestað á síðasta fundi. Bréf Skipulagsstofnunar dags. 19. mars 2015 vegna umsagna um framkomnar athugasemdir við auglýsta tillögu að landsskipulagsstefnu 2015-2026.
Lagt fram til kynningar.

6.Sólbakki 6 - umsókn um byggingarleyfi - 2015030086

Sólbakki 6 ehf sækir um leyfi til að breyta skráningu á íbúðarhúsnæði að Sólbakka 6, Flateyri í sumarhús þar sem húsið er á snjóflóðahættusvæði.
Skipulags- og mannvirkjanefnd samþykkir erindið.

7.Leyfi fyrir fornleifauppgreftri í Hnífsdal - 2015030087

Á 880. fundi bæjarráðs 31. mars sl., var erindi Kristjáns Pálssonar, sagnfræðings, dags. 24. mars sl., vísað til skipulags- og mannvirkjanefndar, þar sem óskað er eftir leyfi Ísafjarðarbæjar fyrir fornleifagreftri í Hnífsdal.
Skipulags-og mannvirkjanefnd leggur til við bæjarstjórn að veitt verði leyfi Ísafjarðarbæjar sem landeiganda fyrir fornleifagreftrinum enda séu önnur skilyrði laga fyrir uppgreftrinum uppfyllt.

8.Skógarbraut b - umsókn um lóð - 2015040009

Umsókn um einbýlishúsalóð að Skógarbraut b skv. deiliskipulagi Seljalandshverfis.
Skipulags- og mannvirkjanefnd leggur til við bæjarstjórn að Björn Stefán Hallsson fái lóð b við Skógarbraut, Ísafirði með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

9.Snjóflóðavarnir undir Kubba, framkvæmdaleyfi. - 2010120048

Erindi frá Gauta Geirssyni dags. 24.03.2015 þar sem lagt er til að Ísafjarðarbær í samstarfi við Ofanflóðasjóð endurskoði varnir í Kubba frá grunni með tilliti til greinargerðar sem fylgir erindinu.
Skipulagsfulltrúa falið að afla frekari gagna í málinu. Afgreiðslu frestað.

Fundi slitið - kl. 09:46.

Er hægt að bæta efnið á síðunni?