Skipulags- og mannvirkjanefnd

423. fundur 17. desember 2014 kl. 08:00 - 10:00 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Sigurður Jón Hreinsson formaður
  • Erla Rún Sigurjónsdóttir varaformaður
  • Magni Hreinn Jónsson aðalmaður
  • Sigurður Mar Óskarsson aðalmaður
  • Ásgerður Þorleifsdóttir aðalmaður
  • Jóhann Birkir Helgason sviðsstjóri umhverfis- og eignasviðs
  • Ralf Trylla umhverfisfulltrúi
  • Gísli Halldór Halldórsson bæjarstjóri
Fundargerð ritaði: Jóhann Birkir Helgason sviðstjóri umhverfis- og eignasviðs
Dagskrá

1.Deiliskipulag - Mjósund - 2014090004

Teknar fyrir tilögur að nýtingu svæðisins frá Teiknistofunni Eik. Tillögurnar eru 14 talsins.
Jafnframt er lögð fram breyting á skipulaginu Eyrin á Ísafirði sem felst í að breyta skipulagsmörkum.
Skipulags- og mannvirkjanefnd óskar eftir fundi með Teiknistofunni Eik þann 7. janúar 2015 vegna málsins.

2.Heimabær II, Hesteyri - kæra byggingarleyfis. - 2013050069

Lagt fram minnisblað frá bæjarlögmanni dags. 10. desember sl. er varðar úrskurð úrskurðarnefndar umhverfis- og auðlindamála.
Lagt fram til kynningar.

3.Veðrará 2, Breiðadal - vatnsvirkjun - 2008020077

Lagður fram útskurður Úrskurðarnefndar umhverfis- og auðlindamála dags. 20. nóvember 2014 þar sem felld er úr gildi ákvörðun bæjarstjórnar Ísafjarðarbæjar frá 7. júní 2012 um að veita framkvæmdaleyfi fyrir lagningu 1.200 m þrýstivatnslagnar frá stöðvarhúsi að inntaki í Heiðarvatnslæk og Langá og fyrir inntaksþró vegna stækkunar Breiðadalsvirkjunar í Önundarfirði.
Jafnframt lagt fram minnisblað bæjarlögmanns dags. 10. desember 2014 er varðar úrskurðs úrskurðarnefndar umhverfis- og auðlindamála.
Skipulags- og mannvirkjanefnd bendir á að í breytingu á Aðalskipulagi Ísafjarðarbæjar 2008-2020 sem nú er í vinnslu er gert ráð fyrir virkjun í Breiðadal. Nefndin bendir framkvæmdaraðila á að breyta þurfi deiliskipulagi í samræmi við virkjunarframkvæmdir og leggja fyrir nefndina.

4.Rekstur tjaldsvæðis á Suðurtanga 2015-2016 - 2014120029

Lögð fram umsókn dags. 4. desember 2014 frá Kagrafelli ehf þar sem sótt er um áframhaldandi leyfi til rekstrar á tjaldsvæði á Suðurtanga, Ísafirði.
Skipulags- og mannvirkjanefnd samþykkir framlengingu á samningi um tvö ár með óbreyttum forsendum.

5.Fjárhagsáætlun 2015 - 2014080027

Lögð fram fjárhagsáætlun 2015 ásamt fjárfestingaáætlun sem samþykkt var í bæjarstjórn 11. desember sl.
Lagt fram til kynningar.

6.Gæðakerfi byggingarfulltrúa - 2014120031

Lagt fram gæðakerfi byggingarfulltrúa sem unnið var af Provis fyrir Félag byggingarfulltrúa.
Lagt fram til kynningar.

Fundi slitið - kl. 10:00.

Er hægt að bæta efnið á síðunni?