Skipulags- og mannvirkjanefnd

Skipulags- og mannvirkjanefnd tók umræður um leiðarljós gildandi skipulags og felur vinnuhóp aðalskipulags að uppfæra leiðarljós út frá umræðum á fundi.
Skipulags- og mannvirkjanefnd leggur til að heiti nýs aðalskipulags verði: Aðalskipulag Ísafjarðarbæjar 2025-2050.

Skipulags- og mannvirkjanefnd hefur tekið til afgreiðslu vinnslutillögur deiliskipulags Eyrarkláfs og er jákvæð fyrir verkefninu í heild sinni. Nefndin hefur áhyggjur af aukinni bílaumferð um Hlíðarveg og Hjallaveg en eins og fram kemur í samgöngumati deiliskipulags er gert ráð fyrir aukningu á ferðum um 220 á dag sem samsvarar þreföldun á umferð, þar á meðal stórum og þungum ökutækjum sem óvíst er að gatnakerfið ráði við. Nefndin tekur undir sjónarmið íbúa sem hafa bent á þetta atriði og telur mikilvægt að dregið verði úr umferð og umfangi bílastæðanna, þannig að þau samræmist betur þörfum svæðisins. Skv. samgöngukafla núgildandi aðalskipulags er stefnan að lágmarka neikvæð áhrif umferðar á byggð og lögð áhersla á góðar göngu- og hjólaleiðir innan þéttbýlissvæða.

Skipulags- og mannvirkjanefnd leggur til að bílastæðið verði minnkað sem samsvarar fyrsta áfanga verkefnisins sem og að umferð þungra og stórra ökutækja verði beint annað en um Hlíðarveg og Hjallaveg. Einnig bendir nefndin á möguleika á að útbúa göngustíga til að auka aðgengi gangandi vegfarenda.

Skipulags- og mannvirkjanefnd leggur til við bæjarstjórn að samþykkja breytingu á aðalskipulagi Ísafjarðarbæjar 2008-2020 vegna nýtingar á jarðhita í Seljalandi á Ísafirði, í samræmi við 32. gr. skipulagslaga nr. 123/2010, greinargerð og uppdrátt unnin af Verkís ehf. dags. 25. febrúar 2025. Nefndin hefur farið yfir innkomnar athugasemdir og telur að ekki þurfi að gera efnislegar breytingar á uppdrætti og greinargerð.

Skipulags- og mannvirkjanefnd leggur til við bæjarstjórn að samþykkja breytingar á deiliskipulagi Seljalandshverfis á Ísafirði, vegna nýtingar jarðhita, í samræmi við 42. gr. skipulagslaga nr. 123/2010, uppdráttur með greinargerð, unninn af ráðgjöfum Verkís ehf. dags. 25. febrúar 2025. Nefndin hefur farið yfir innkomnar athugasemdir og telur að ekki þurfi að gera efnislegar breytingar á uppdrætti og greinargerð, tekið var tillit til athugasemda Náttúruminjastofnunar í vinnslutillögu.

Skipulags- og mannvirkjanefnd leggur til við bæjarstjórn að heimila útgáfu framkvæmdaleyfis skv. reglugerð nr. 772/2012, fyrir hitaveitulögn frá jarðhitasvæðinu í Tungudal að kyndistöð Orkubúsins við Skeiði 5 á Ísafirði í samræmi við umsókn dags. 19. ágúst 2025, teikningu af lagnaleið dagsett 26. ágúst 2025 og afstöðumyndum/sniðmyndum, unnið af EFLU í júlí 2025.

Skipulags- og mannvirkjanefnd samþykkir að farið verið í endurbætur og uppfærslur á deiliskipulagi Flateyrarodda skv. minnisblaði skipulags- og umhverfisfulltrúa.

Skipulags- og mannvirkjanefnd bendir á að um er að ræða framkvæmd sem ekki er í samræmi við gildandi skipulag og þarf að óska eftir grenndarkynningu í samræmi við 44 gr. skipulagslaga. Þegar óskað er eftir grenndarkynningu þarf að skila inn aðaluppdráttum ásamt afstöðumynd.

Skipulags- og mannvirkjanefnd leggur til við bæjarstjórn að heimila stofnun lóðar undir íbúðarhúsið Holt 2 innan Holtsjarðar í Önundarfirði í samræmi við merkjalýsingu dags. 28. maí 2025.

Skipulags- og mannvirkjanefnd samþykkir að breyta skráningu á Heimabæjarstíg 3 úr þjónustuhúsi í frístundabyggð. Nefndin bendir á að mannvirkið er á hættusvæði C, en skv. reglugerð um hættumat vegna ofanflóða og flokkun og nýtingu hættusvæða (505/2000) er viðvera óheimil frá 1. nóvember til 30. apríl.

Skipulags- og mannvirkjanefnd hafnar umsókn frá Ásdísi Kristjánsdóttur, dags. 21. ágúst 2025 vegna stækkun lóðar á Ísafjarðarvegi 6, Hnífsdal. Ástæða höfnunar er lítið framboð af byggingarlóðum í Hnífsdal og þessi breyting skerðir tvær lóðir á úthlutunarlista Ísafjarðarbæjar.

Skipulags- og mannvirkjanefnd felur skipulagsfulltrúa að skoða almennt lóðamál fyrir hraðhleðslustöðvar. Margir eru að sýna áhuga á bílastæðalóðum fyrir hraðhleðslustöðvar og skoða þarf málið heildstætt og hvort stefnumótunar sé þörf í málaflokknum á aðal- og deiliskipulagsstigi.

Skipulags- og mannvirkjanefnd gerir ekki athugasemd við staðsetningu stöðuleyfis.

Skipulags- og mannvirkjanefnd bendir á að Ísafjarðarbær, er ekki landeigandi á viðkomandi svæði. Heimild landeiganda þarf að fylgja með umsókn. Erindi er frestað.

Skipulags- og mannvirkjanefnd telur að framkvæmdin sé óveruleg og hafi ekki grenndaráhrif á íbúa við Strandgötu 7A.
Skv. 3.mgr 44.gr skipulagslaga er skipulags- og mannvirkjanefnd heimilt að falla frá grenndarkynningu ef sýnt er fram á að breyting á deiliskipulagi eða leyfisskyld framkvæmd varði ekki hagsmuni annarra en sveitarfélagsins og/eða umsækjanda.

Lagt fram til kynningar.

Lagt fram til kynningar.

Lagt fram til kynningar.