Skipulags- og mannvirkjanefnd

417. fundur 20. ágúst 2014 kl. 08:00 - 10:00 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Sigurður Jón Hreinsson formaður
  • Erla Rún Sigurjónsdóttir varaformaður
  • Sigurður Mar Óskarsson aðalmaður
  • Ásgerður Þorleifsdóttir aðalmaður
  • Inga María Guðmundsdóttir varamaður
  • Jóhann Birkir Helgason sviðsstjóri umhverfis- og eignasviðs
  • Ralf Trylla umhverfisfulltrúi
  • Gísli Halldór Halldórsson bæjarstjóri
Fundargerð ritaði: Jóhann Birkir Helgason sviðstjóri umhverfis- og eignasviðs
Dagskrá

1.Ljósleiðari frá Skeiði 7 - Tengivirki í Breiðadal - Framkvæmdaleyfi. - 2014070023

Lagt fram bréf frá Orkufjarskiptum dags. 16. júlí 2014 þar sem óskað er eftir heimild til að leggja ljósleiðaralögn frá Skeiði 7, Ísafirði upp í Vegagerð í Dagverðardal og frá gangnamunna í Breiðadal í tengivirki Landsnets í Breiðadal.
Skipulags- og mannvirkjanefnd gerir ekki athugsemd við erindið og leggur til við bæjarstjórn að framkvæmdaleyfi verði samþykkt. Frágangur framkvæmdasvæðis skal gerður í samráði við tæknideild Ísafjarðarbæjar.

2.Flateyraroddi - Stöðuleyfi fyrir gáma - 2014070034

Lögð fram umsókn um stöðuleyfi frá Stútung ehf. þar sem óskað er eftir stöðuleyfi fyrir tvo gáma á Flateyrarodda.
Skipulags- og mannvirkjanefnd samþykkir stöðuleyfi sbr. grein 2.6.1 í byggingarreglugerð, stöðuleyfið er veitt til 1. september 2015.

3.Fjarðargata 35 - lóð í fóstur. - 2014080002

Tekið fyrir erindi Ketils Berg Magnússonar dags. 31. júlí 2014 þar sem sótt er um landsvæði í fóstur sjávarmegin við Fjarðargötu 35, Þingeyri,
Skipulags- og mannvirkjanefnd leggur til við bæjarstjórn að landsvæðinu verði úthlutað í fóstur með þeim skilyrðum að aðgengi almennings að fjörunni og Skjólvíkinni verði ekki skert í samræmi við það sem fram kemur í umsókninni.

4.Leyfissvæði og rannsóknarleyfi fyrir Íslenska kalkþörungafélagið í Arnarfirði. - 2012090004

Lagt fram fréf Orkustofnunar dags. 2. ágúst 2014 er varðar umsögn um umsókn Íslenska Kalkþörungafélagsins ehf. um viðbætur við leyfi til leitar og rannsókna á kalkþörungaseti á hafsbotni í Önundarfirði og Ísafjarðardjúpi, að meðtöldum Jökulfjörðum.
Skipulags- og mannvirkjanefnd fagnar því að unnið sé að rannsóknum í ljósi þess að unnið er að strandsvæðaskipulagi í Ísafjarðardjúpi. Nefndin væntir þess að fá niðurstöður rannsókna sem nýtist í skipulagsáætlanir. Nefndin gerir ekki athugasemd við að leyfi verði veitt enda ekki gert ráð fyrir að leitin hafi mikil áhrif á sjávarbotn og botndýralíf. Nefndin leggur því til við bæjarráð að leyfið verði veitt.

5.Landsskipulagsstefna 2015 - 2026, Kynningar- og samráðsfundur um greiningu valkosta og umhverfismat. - 2014010001

Lagðir fram tveir tölvupóstar frá Skipulagsstofnun er varðar landsskipulagsstefnu 2015-2026. Annars vegar er boðað til fundar 15. ágúst 2014 og hins vegar lykilmælikvarðar og fyrirliggjandi áætlanir.
Lagt fram til kynningar.

6.Deiliskipulag í Reykjanesi. - 2011030164

Lagt fram bréf Súðavíkurhrepps dags. 7. júlí 2014 og frá Skipulagsstofnun dags. 15. júlí 2014 er varðar deiliskipulag fyrir Reykjanes við Djúp, Súðavíkurhreppi.
Skipulags- og mannvirkjanefnd telur miður að ekki sé hægt að samþykkja deiliskipulagið, nefndin hvetur málsaðila að greiða úr málinu hið fyrsta.

7.Deiliskipulag á Suðurtanga, Ísafirði - 2011020059

Tekið fyrir að nýju deiliskipulag fyrir Suðurtanga á Ísafirði.
Nefndin óskar eftir að skipulagsráðgjafi kynni skipulagið fyrir nefndarmönnum og bæjarfulltrúum.

Fundi slitið - kl. 10:00.

Er hægt að bæta efnið á síðunni?