Sameinuð almannavarnanefnd Ísafjarðarbæjar og Súðavíkurhrepps

Lagt fram til kynningar erindi Pálma Þórs Sævarssonar, f.h. Vegagerðarinnar, dags. 4. nóvember 2025, vegna öryggismála í Breiðadals- og Botnsheiðargöngum.

Málið var tekið fyrir á 41. fundi nefndarinnar, þann 29. október 2024, þar sem málsatvik rútubruna, sem varð fyrir neðan Vestfjarðagöngin Skutulsfjarðarmegin þann 13. september 2024, voru rædd. Sigurður A. Jónsson, slökkviliðsstjóri, fór yfir málavöxtu, viðbúnað slökkviliðs og verkefni.

Nefndin bókaði eftirfarandi: "Sameinuð almannavarnanefnd Ísafjarðarbæjar og Súðavíkurhrepps lýsa yfir áhyggjum af öryggi vegfarenda í Breiðadals- og Botnsheiðargöngum ef hættuástand skapast og til björgunaraðgerða kemur. Nefndin skorar á Vegagerðina og ríkisstjórn að bæta öryggi í göngunum án tafar, s.s. með ljósastýringu, útvarps- og símasambandi, betri lýsingu og breikkun ganganna. Nefndin bendir á að ekki er um aðra leið að ræða á svæðinu vegna aflagningar vega yfir heiðarnar. Stórbruni í langferðabíl rétt við gangnamunna í Tungudal í september 2024 endurspeglar áhyggjur nefndarmanna frá opnun ganganna árið 1996."

Málið var jafnframt tekið fyrir á 42. fundi nefndarinnar, þann 9. apríl 2025, þar sem nefndin bókaði að bæjarstjóra Ísafjarðarbæjar væri falið að taka upp samtal við Vegagerðina í samræmi við umræður á fundinum.

Hlynur H. Snorrason, yfirlögregluþjónn Lögreglustjórans á Vestfjörðum, kynnir almannavarnaræfingu um hópslys á Reykhólum.

Sigurður A. Jónsson, slökkviliðsstjóri, fer yfir fundaferð Almannavarnardeildar Ríkislögreglustjóra um Vestfirði, en fundað var á Ísafirði, Patreksfirði og Hólmavík.

Lagðir fram til kynningar fundapunktar Bryndísar Óskar Jónsdóttur, sviðsstjóra stjórnsýslu- og fjármálasviðs, frá fundi á Ísafirði þann 28. október 2025, auk dagskrár fundarins.

Á 40. fundi nefndarinnar þann 23. apríl 2024 kynnti Bragi Þór Thoroddsen, sveitarstjóri Súðavíkurhrepps, aðgerðir í Súðavík þegar vegurinn um Súðavíkurhlíð lokast ítrekað vegna snjóflóðahættu.

Á 42. fundi nefndarinnar þann 9. apríl 2025 var málið tekið aftur á dagskrá, og fór Anna Lind Ragnarsdóttir yfir þær aðgerðir sem Súðavíkurhreppur þyrfti að leggjast í við ítrekaðar vegalokanir um Súðavíkurhlíð.

Almannavarnarnefnd fól Braga Þór Thoroddsen, sveitarstjóra Súðavíkurhrepps að taka saman kostnað við aðstoð við innlyksa ferðamanna vegna lokanna. Kostnaðarupplýsingar skulu svo lagðar fyrir á næsta fundi Almannavarnarnefndar.

Er málið nú tekið fyrir á nýjan leik.

Lagður fram til kynningar tímabundinn leigusamningur slökkviliðs Ísafjarðarbæjar í Guðmundarbúð, en samningurinn er til tveggja ára, eða á meðan ný slökkvistöð á Ísafirði er í byggingu.

Lagður fram til kynningar endurnýjaður leigusamningur milli Björgunarfélags Ísafjarðar og Ísafjarðarbæjar um rými aðgerðastjórnar.

Tinna Ólafsdóttir, tengiliður Ísafjarðarbæjar í samstarfshópi um Sólmyrkvahátíð Vestfjarða 2026, kynnir verkefnið fyrir nefndarmönnum og þeirri vinnu sem fyrir höndum er og tengjast almannavörnum.

Lagt fram til kynningar erindi Önnu Sigurðardóttur, dags. 15. ágúst 2025, þar sem upplýst er um verkefnið Björnis brungabangsa sem mun aðstoða öll slökkvilið landsins með forvarnarfræðslu inn á leikskólum.