Öldungaráð

4. fundur 07. desember 2016 kl. 15:00 - 16:00 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Björn Helgason formaður
  • Grétar Þórðarson varaformaður
  • Guðný Sigríður Þórðardóttir aðalmaður
  • Gunnlaugur Gunnlaugsson aðalmaður
  • Halla Sigurðardóttir aðalmaður
  • Guðmundur Hagalínsson aðalmaður
  • Auður Helga Ólafsdóttir aðalmaður
  • Magnús Reynir Guðmundsson aðalmaður
Starfsmenn
  • Margrét Geirsdóttir sviðsstjóri fjölskyldusviðs
Fundargerð ritaði: Margrét Geirsdóttir Sviðsstjóri fjölskyldusviðs Ísafjarðarbæjar
Dagskrá

1.Húsnæðismál eldri borgara. - 2016090034

Bjorn Helgason ræddi fyrri bókanir öldungaráðs vegna húsnæðismála.
Formaður óskaði eftir áliti fulltrúa í öldungaráði. Í máli Grétars Þórðarsonar kom fram að líklega væri þörf á tíu íbúðum og gott væri að þær væru í nágrenni Hlífar. Einnig lagði hann áherslu á að gerð yrði þarfagreining. Ráðið hefur fundað með Vestfirskum verktökum sem lýstu sig reiðubúna til þess að koma að verkinu. Magnús Reynir Guðmundsson rifjaði upp fundinn með Vestfirskum verktökum og sagði þá hafa þekkingu á stöðunni í húsnæðismálum. Guðmundur Hagalínsson efast um að best væri að byggja í grennd við Hlíf. Hann mælir ekki með því að byggt sé einungis fyrir einn aldurshóp, það sé ekki gott að setja fólk niður í flokka eftir aldri. Sigríður Þórðardóttir ræddi um að ekki mætti skilyrða búsetu fyrir aldraða á ákveðnum stað heldur mætti segja að aldraðir gengju fyrir í ákveðnu húsnæði. Halla Sigurðardóttir kallar eftir þarfagreiningu og telur að húsnæðið ætti að vera fyrir sextíu ára og eldri. Gunnlaugur Gunnlaugsson tekur undir orð Höllu, það gerði Auður Ólafsdóttir einnig.

Í ljósi þess að bæjaryfirvöld stefna að byggingu fjölbýlishúss á Ísafirði, þar sem gert er ráð fyrir húsnæðisúrræðum fyrir eldri borgara, vill öldungaráð óska eftir frekari aðkomu að málinu í undirbúningsferlinu. Einnig óskar öldungaráð eftir því að gerð verði þarfagreining sem lýsi stöðunni og greini þarfirnar í húsnæðismálum.

2.Heilsuefling. - 2016090035

Bjorn Helgason ræddi fyrri bókanir öldungaráðs varðandi heilsueflingu aldraðra.
Öldungaráð óskar eftir skýrri afstöðu bæjaryfirvalda til hálkuvarna og moksturs, jafnframt hvort vænta megi aukinnar þjónustu í mokstri og hálkuvörnum við heimili eldri borgara í öllum bæjarkjörnum sveitarfélagsins.

3.Öldungaráð - ýmis mál - 2016120017

Fundur öldungaráðs með bæjarstjórn Ísafjarðarbæjar.
Bjorn Helgason tilkynnti að þann 15. desember n.k. kl. 16:20 muni öldungaráð eiga fund með bæjarstjórn Ísafjarðarbæjar. Gert er ráð fyrir að fundinum ljúki kl.16:50.

Fundi slitið - kl. 16:00.

Er hægt að bæta efnið á síðunni?