Nefnd um íbúalýðræði og virkari stjórnsýslu

Umræður fóru fram um hvernig ungmennaráð skyldi stofnað og samsetningu þess, meðal annars m.t.t. aldurs.
Ákveðið var að kalla til næsta fundar þau sem voru í ungmennaráði árið 2009, formenn nemendafélaga MÍ og grunnskóla sveitarfélagsins og Margréti Halldórsdóttur, sviðstjóra skóla- og tómstundasviðs.

Einnig fóru fram umræður um öldungaráð og ákveðið var að kalla til aðila úr félagi eldri borgara í sveitarfélaginu.

Verkefnum var deilt niður á fundarmenn.

Rætt var um skipulagningu þess íbúafundar sem áætlað er að halda á Ísafirði og væntanlega stofnun hverfisráða Skutulsfjarðar. Stefnt er að því að halda íbúafund þriðjudaginn 23. september kl. 20:00 í Stjórnsýsluhúsinu.