Menningarmálanefnd

145. fundur 16. apríl 2019 kl. 12:00 - 13:54 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Ásgerður Þorleifsdóttir formaður
  • Inga María Guðmundsdóttir aðalmaður
  • Baldur Björnsson aðalmaður
Starfsmenn
  • Þórdís Sif Sigurðardóttir bæjarritari
Fundargerð ritaði: Þórdís Sif Sigurðardóttir bæjarritari
Dagskrá

1.Styrkir til menningarmála 2019 - 2018120007

Kynntar eru umsóknir um styrk til menningarmála, fyrri úthlutun 2019.
Teknar eru til afgreiðslu styrkbeiðnir til menningarmála, vegna vorúthlutunar 2019. Atvinnu- og menningarmálanefnd samþykkir að úthluta menningarstyrkjum, samtals að fjárhæð kr. 750.000,- til eftirfarandi umsækjenda:

Hanna Jónsdóttir, Það er ekki oft skúr á Flateyri, kr. 150.000,-.
Listahópurinn Kútur, Listasköpun og menningarstarf, kr. 200.000,-.
Ljósmyndasafnið Ísafirði, Ljósmyndasýning í stigagangi Safnahúss, kr. 200.000,-.
Skálinn víkingasetur, Tilraunaverkefni um miðlun menningar og sögu Þingeyrar, kr. 100.000,-.
Tónlistarfélag Ísafjarðar, Heimsókn og tónleikar ungverskrar hljómsveitar, kr. 100.000,-.

Atvinnu- og menningarmálanefnd felur bæjarritara að tilkynna styrkveitingar og skilyrða útgreiðslu því að búið sé að skila lokaskýrslu vegna fyrri verkefna styrkþega, sé um slíkt að ræða.

2.Þrettándinn og Kómedíuleikhúsið - 2017100022

Lagður er fram tölvupóstur Elfars Loga Hannessonar, f.h. Kómedíuleikhússins, dags. 14. nóvember 2018, þar sem óskað er eftir framlengingu á samningi við Kómedíuleikhúsið.
Atvinnu- og menningarmálanefnd felur bæjarritara að semja við Kómedíuleikhúsið í samræmi við umræður á fundinum.

3.Áfangastaðaáætlun Vestfjarða - 2017110020

Lagt fram bréf Sigrúnar Brynju Einarsdóttur og Steinunnar Valdísar Óskarsdóttur f.h. ferðamála-, iðnaðar- og nýsköpunarráðherra, dagsett 25. janúar, ásamt samantekt úr áfangastaðaáætlun Vestfjarða.
Bæjarráð tók áætlunina fyrir á 1048. fundi sínum 4. febrúar og vísaði henni til atvinnu- og menningarmálanefndar. Tiltaka skal þau verkefni sem að sveitarfélaginu koma og áætla hvort til fjármögnunar skuli koma að einhverju leyti frá sveitarfélaginu.
Atvinnu- og menningarmálanefnd tekur vel í áætlunina og lýsir ánægju sinni yfir því að öll þau verkefni sem lýst er í aðgerðaráætluninni er lúta að Ísafjarðarbæ eru í vinnslu. Atvinnu- og menningarmálanefnd felur bæjarritara að kanna stöðu á lokaskýrslu starfshóps um framtíðarskipan komu skemmtiferðaskipa.

4.Virðisaukinn - 2013110016

Lagt er fram minnisblað Þórdísar Sifjar Sigurðardóttur, bæjarritara, dags. 15. apríl 2019, varðandi fyrri úthlutanir virðisaukans.
Atvinnu- og menningarmálanefnd ákvað útnefningu virðisaukans árið 2018. Nefndin leggur til við bæjarráð að afhending Virðisaukans fari fram með hátíðlegri athöfn við upphaf bæjarstjórnarfundar í maí.

5.Stefnumótun í atvinnumálum Ísafjarðarbæjar og atvinnuþróunarsamningur Atvest - 2010080057

Lagður er fram tölvupóstur Sigríðar Ó. Kristjánsdóttur, dags. 13. febrúar sl., varðandi tilboð í gerð atvinnu- og menningarstefnu fyrir Ísafjarðarbæ.
Atvinnu- og menningarmálanefnd leggur til við bæjarráð að Ísafjarðarbær leiti til sveitarfélaganna á norðanverðum Vestfjörðum að taka sig saman um gerð atvinnumálastefnu og menningarmálastefnu fyrir norðanverða Vestfirði.

6.Verkefni atvinnu- og menningarmálanefndar - 2014110025

Umræður um erindisbréf atvinnu- og menningarmálanefndar.
Atvinnu- og menningarmálefnd leggur til við bæjarstjórn að nefndinni verði breytt í menningarmálanefnd sem fari eingöngu með menningarmál í sveitarfélaginu og erindisbréfi verði breytt til samræmis.

Fundi slitið - kl. 13:54.

Er hægt að bæta efnið á síðunni?