Íþrótta- og tómstundanefnd

Lagt fram bréf frá Hálfdáni Jónssyni dagsett 30. september s.l. Þar sem óskað er eftir leyfi til að stunda hjólreiðar og útbúa hjólabrautir á sérvöldum útivistarsvæðum í sveitarfélaginu.
Nefndin fagnar frumkvæði Hálfdáns og tekur vel í erindið, en vísar því til umhverfisnefndar til frekari úrvinnslu.

Lagt fram bréf frá stjórn Hlaupahátíðar á Vestfjörðum dagsett 23. október s.l. þar sem óskað er eftir stuðningi Ísafjarðarbæjar við undirbúnig og framkvæmd hátíðarinnar.
Í ljósi vaxandi stuðnings og áhuga á hátíðinni leggur nefndin til við bæjarstjórn að styrkbeiðnin verði samþykkt.

Lögð fram til kynningar drög að viðaukasamningi við samstarfssamning Héraðssambands Vestfirðinga og Ísafjarðarbæjar þar sem fram kemur hækkun á greiðslu Ísafjarðarbæjar vegna íþróttaskóla HSV.
Nefndin vonar að hægt verði að tryggja áframhaldandi starf íþróttaskólans, með þessum samningi, sem mikil ánægja er með.

Lögð fram drög að stefnu íþrótta- og tómstundanefndar sem fór fyrir bæjarráð í síðustu viku.
Nefndin leggur til við bæjarstjórn að hún samþykki stefnuna með áorðnum breytingum. Nefndin mun á næstu mánuðum fara í vinnu við forgangsröðun og uppbyggingaráætlun íþróttamannvirkja í samstarfi við HSV.