Íþrótta- og tómstundanefnd

Unnið að stefnumótun í íþrótta- og tómstundamálum, sem er langt á veg komin, afgreiðslu frestað til næsta fundar.

Lagðar fram til kynningar niðurstöður Rannsóknar og greiningar á högum og líðan ungs fólks í Ísafjarðarbæ.

Lagðar fram til kynningar niðurstöður Rannsóknar og greiningar, Ungt fólk 2012.

Tekin fyrir tillaga bæjarstjóra um færslu skíðasvæðanna í Tungudal og á Seljalandsdal af umhverfis- og eignasviði yfir á skóla- og tómstundasvið.

Nefndin styður tillögu bæjarstjóra samhljóða.

Lagt fram bréf frá Héraðssambandi Vestfirðinga, dagsett 7. júní sl., er varðar Unglingalandsmót 2015. Í bréfinu kemur fram að HSV hefur áhuga á að sækja um að halda mótið í Ísafjarðarbæ og leitar eftir stuðningi Ísafjarðarbæjar til þess.

Nefndin tekur jákvætt í erindið.

Lögð fram gjaldskrá 2012 fyrir íþróttamannvirki og vinnuskóla.

Nefndin leggur til við bæjarstjórn að gjaldskrár verði hækkaðar til samræmis við hækkanir á öðrum gjaldskrám fyrir árið 2013.