Íþrótta- og tómstundanefnd

232. fundur 31. ágúst 2022 kl. 13:00 - 14:50 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Hrafnhildur Hrönn Óðinsdóttir formaður
  • Jónína Eyja Þórðardóttir varaformaður
  • Wojciech Wielgosz aðalmaður
  • Þráinn Ágúst Arnaldsson aðalmaður
Starfsmenn
  • Hafdís Gunnarsdóttir sviðsstjóri skóla- og tómstundasviðs
Fundargerð ritaði: Hafdís Gunnarsdóttir sviðsstjóri skóla- og tómstundasviðs
Dagskrá
Þorleifur Ingólfsson boðaði forföll og varamaður komst ekki í hans stað.

Dagný Finnbjörnsdóttir, framkvæmdastjóri HSV, sat fundinn sem áheyrnarfulltrúi.

1.Verkefnalisti íþrótta- og tómstundanefndar - 2014030027

Lagður fram verkefnalisti íþrótta- og tómstundanefndar. Jafnframt kynnir Hafdís Gunnarsdóttir, sviðsstjóri skóla- og tómstundasviðs, hlutverk nefndarinnar og fer yfir siðareglur.
Lagt fram til kynningar.

2.Endurskoðun erindisbréfa nefnda Ísafjarðarbæjar 2022 - 2021050007

Lagt fram erindisbréf íþrótta- og tómstundanefndar Ísafjarðarbæjar.
Erindisbréf fyrir íþrótta- og tómstundanefnd lagt fram til kynningar. Nefndin samþykkir að Hafdís Gunnarsdóttir, sviðsstjóri skóla- og tómstundasviðs, verði ritari nefndarinnar og að fundir verði haldnir 1. og 3. miðvikudag í mánuði kl.8:15.

3.Framkvæmdaáætlun 2023 til 2033 - 2022050016

Lögð fram drög að framkvæmdaáætlun Ísafjarðarbæjar 2023-2033, þar sem óskað er eftir tillögum frá íþrótta- og tómstundanefnd um verkefni og markmið í íþrótta- og tómstundamálum í sveitarfélaginu.
Jafnframt er lagt fram til kynningar minnisblað Hafdísar Gunnarsdóttur, sviðsstjóra skóla- og tómstundasviðs, dags. 29. ágúst 2022, vegna tillagna til nefndarinnar vegna framkvæmdaáætlunar.
Íþrótta- og tómstundanefnd felur starfsmanni nefndarinnar að vinna málið áfram.

4.Gjaldskrár 2023 - 2022050015

Lögð fram gjaldskrá fyrir íþróttamannvirki ísafjarðarbæjar 2023, vegna endurskoðunar fyrir fjárhagsáætlunargerð ársins 2021.
Málinu frestað til næsta fundar.
Hrafnhildur Hrönn Óðinsdóttir vék af fundi undir þessum lið.

5.Frisbígolfvöllur - 2022080054

Lagt fram erindi Hákons Dags Guðjónssonar, dags. 19. ágúst 2022, varðandi uppsetningu á frisbígolfvelli í Skutulsfirði. Jafnframt er lagt fram minnisblað Hafdísar Gunnarsdóttur, sviðsstjóra skóla- og tómstundasviðs.
Íþrótta- og tómstundanefnd felur starfsmanni nefndarinnar að setja sig í samband við bréfritara til að koma málinu áfram.

Fundi slitið - kl. 14:50.

Er hægt að bæta efnið á síðunni?